ماذا سيكون شعور الانسان اذا وقع في بئر بلا قاع :
- خضة لانه وقع .
- خوف لانه منتظر يخبط في قاع البئر ، اللي هو عارف انه مش موجود.
- حيستمر في الغضب و النداء لانقاذه فترة حتي يعرف انه لا يمكن ان يسمعه احد
- حيبكي .
- حيحاول يخبط او يمسك في اي جزء بارز في جدار البئر لتسلقه.
- حيلاقي نفسه بيقع بس مش بيخبط في حاجة .
- حيتأمل الامر .
- حيزهق .
- حيتعود علي رحلة السقوط اللا نهائية .
- حيحاول يفكر في طريقة للخروج
- ذهول
- حييأس
- حيتقبل الامر
- حيحاول يسعد نفسه و يقنع نفسه ان رحلة السقوط في البئر مش وحشة
- حيقتنع بده
- حيغني و يعيش في السقوط
- حينسي الخوف من الخبطة في قاع البئر
- حيتحول هو الي القاع و السقوط
- المشكلة ليست في الوصول الي القاع و لكن المشكلة في مستوي القاع و المشكلة الاكبر ان يتحول الانسان نفسه الي قاع .
ليست هناك تعليقات:
إرسال تعليق