مراهق ......نعم مراهق ....لسه ماما بتقولي انت مراهق علشان بقولها عايز اسافر الصيف ده انجلترا مع اصحابي / بتقولي انت لسه عيل 14 سنة و بتلعب بالبلاي استيشن و كمان عايز تسافر علشان تضيع .
نفسي اعرف انا مراهق و لا عيل .
ماما مش فاهمة اني كبرت و هي كمان مش بتعجبني في حاجات ، بس عمري ما بقولها عليها . هي ليه تتدخل في حياتي . فاكرة انها حتوجهني و خلاص . هي عارفة اني مش حعمل حاجة غلط مش علشانها و لكن علشان انا مش عايز ااذي نفسي . افهمها ازاي بس .
دايما خايفة علي اصاحب بنات و اضيع في المذاكرة او ادمن مخدرات و اضيع في الحياة ، حتي الكرة بقت تقول لي تعطيل وقت . ايه فايدة اني اكون شاطر في الدراسة و بس . هو انا مش انسان و من حقي يكون لي شوية خبرات تانية / اكون الخبرات دي ازاي و هي خايفة علي كده .
ما فيش ثقة خالص / ساعات بحس انها مش واثقة فيا بس ، لكن كمان مش واثقة انها ربتني و لا اني اقدر اختار .
حيحصل ايه لو سافرت مع اصحابي الصيف ده . اكيد حسافر و مصمم اسافر لازم اعرف و افهم و اكون مع صحاب و اكون خبرة ...مراهق بس انا المستقبل و متمسك بالنجاح .
ليست هناك تعليقات:
إرسال تعليق