السبت، 7 مايو، 2016

كلمات عن الثورة - 45



·    مافيش حاجة اسمها قانون يقضي علي الواسطة .......في حاجة اسمها اجراءات تقضي علي الواسطة .......و ده اساس محاربة الفساد / اليات ذكية متطورة مش بس الفساد هو اللي ذكي.
·    المشكلة مش ف الفساد.......المشكلة ان تلاقي ناس بتقول و بكل اقتناع و تمني.... "ارزاق"!!!!!!!!!.
·    بيقولك عايزين نعيد كرامة الطبيب المسحول،،،،،،،،طب ممكن نتأكد انه اتعالج من خدوش و اصابات السحل الاول....حاجة تقرف بصراحة!!!!!.
·    اول مبدأ في جودة الخدمات الصحية....... الحفاظ علي كرامة مقدميها..
·    اللي عايز يعمل تأمين صحي..... يعمل تأمين اجتماعي و امني الاول علي الاطباء و العاملين في الخدمات الصحية......
·    موضوع الاطباء و الاعتداء مش موضوع سياسي..... و مش عايزين حد يحود الكلام و يحوره من اي طرف....... الموضوع ببساطة كرامة الطبيب المصري في ظل سيادة القانون........
·    تحية لنقابة اطباء مصر علي موقفها المشرف........
·    مع احترامي ...........الالتراس لا يعبر عن شباب مصر ...........شباب مصر 60% من الشعب ، مش عشر الاف واحد فقط ، علي الاكثر ...........
·    ......و انا بعدي النهاردة مترو النزهة بين الحجاز و سانت فاتيما افتقدت ريحة مترو النزهة ، ريحة شياط القضبان لما يكون المترو لسه معدي ..........هو حاجة و ذكري غريبة ......يمكن مش فاضل منها غير القضبان و بكرة مش حتبقي موجودة ........مترو مصر الجديدة انتهي للابد ......
·    الفرق بين التسرع و تحطيم الاحلام .........و التباطيء و التخلي عنها .......هو معادلة الخبرة و الحماس لتحقيق ما تريد كما يجب.
·    دايما temper tantrum ......لا يوجد اي مهارات او اولويات .....
·    في كثير من الاحيان تحتاج لاتخاذ قرار و بلورته و تمثل خطواته شخص يسمعك باهتمام .......و يا حبذا لو صديق مؤتمن ............شكرا لكل الاصدقاء .
·    سيبك انت ............القمح شكله حلو فعلا .......يارب تبارك و تزيده .
·    محاولة شراء مصر محاولة حلوة .........زي محاولة التوريث كده !!!!!!!!!
·    قمة العبث ان يبحث المواطن عن كرامة بعيدا عن اسياب الوطن ..........الافكس في العبثية ان يبكي علي ماجناه علي بلده و يسعد بهجرة لدول من اسباب تحطم وطنه !!!!!!!!!!!!!
·    عيد العمال ........قيمة منسية !!!!!!!!
·    واحد حبيبي بقوله ما حدش نزل في 25 ابريل .......قال لي اصل الجيش حاشد دبابات في كل حته ........قلت له هو الجيش ماكانش موجود ايام مبارك والناس نزلت برضه ، بيقولوا بتاع100 واحد نزلوا .........قال لي دول ناس الواحد منهم بمليون .........طب انا اقول ايه بس !!!!!!!!.......
·    مرة موظف عام بيشيل الاوراق الرسمية في بيته ؟؟؟؟؟؟.........فولاده بيلاقوها و يعملوا بيها تصريحات اعلامية .......طب ممكن نسلمها لجهة العمل او المتحف المصري حتي !!!!!!!!!!!!
·    لمدة يوم افتقدت الانترنت و جددت الاشتراك اليوم ...........و فتحت الفيس بوك ..........و لا تعليق ...........!!!!!!!!!!
·    ‫#‏الحسيني هو فضيحة الراجل بقت انه بتاع نسوان ؟؟؟؟؟..........الفضيحة انه يكون شاذ بتاع رجالة .......ايه الزمن الغريب اللي احنا فيه ده LOL
·    فعلا موضوع الفضايح الجنسية يشوه الشخص ..........لكن اللي بيشوه اكتر و عليه عقوبة في القانون بالسجن ان حد او جهة تقوم باقتحام و التجسس علي حياة الاخرين الشخصية و تصويرهم في منتهي الاقتحام لحياتهم الخاصة و كمان تبتزهم و تفضحهم عند اللزوم ..........؟؟؟؟؟؟
·    لابد من مغالبة الفساد و الاحتكار و ان لزم الامر نقبل حصاره و نقبله كجزء من حياتنا و لكن لا يمكن ان يتعدي بأي فرض من الفروض اكثر من 1 %..............بالحرية او غيرها / بالديمقراطية او غيرها / بالعالمانية او غيرها ........لن نتقدم اي خطوة الا اذا كنا ضد الفساد و الاحتكار .
·    كما ان ليس كل كلمة "خيانة ".........فهي ليست أيضا "واقع الحكمة "...فقط علينا النقاش بموضوعية و سماع الانتقاد و التفكير في الحلول>
·    المقياس الحقيقي لاي قرار في صحته من عدمه ........هو مدي صمود القرار مع جكم الزمن .
·    منتهي النفاق اكرام اللئيم اتقاء شره.
·    بجد سؤال .........هو اهمية انشاء عاصمة جديدة .........الان ؟؟؟؟؟؟........هل هناك توجهات بديلة افضل للاستثمار و التنمية........!!!!!!!!!!!!!!!!!!
·    هو ليه مش بيعملوا شوارع مخصوصة للمظاهرات السلمية .........لما تتحول المظاهرات لاضراب نبقي نقفل الشوارع الرئيسية و الاعمال .......غير كده كفاية ان المظاهرات السلمية كما تحمل اسمها التعبير فقط عن الاعتراض و الضغط السياسي او النقابي او غيره ..........هي دي فكرة غريبة او مجنونة او ضد اي حقوق انسانية او سياسية ؟؟؟؟؟؟؟؟؟؟
·    فوضي العمل في مصر المنتشرة و التحدي للمديرين و المطالبة بالانتخابات علي كل المستويات الادارية و خاصة علي مستوي الادارات التكتيكية و الخدمية مثل المدارس والمستشفيات والكهرباء و غيرها الي وكلاء الوزارات .......هوعدم التمييز بين الوظائف العامة التي تعتمد علي الخبرة و المهارة و العلم .....و بين وظائف تعتمد علي خبرات سياسية و توازن في تمثيل ارادة الشعب ............موظفي اي مدرسة او مستشفي او خدمات الكهرباء و المياة ليسوا هم ارادة الشعب بل المخدومين من المرضي او الطلبة هم الذي اذا تمت انتخابات عليهم ان ينتخبوا مديرها و ليس مقدمي الخدمة ............الوظائف مختلفة و تحتاج لتناول مختلف و لا مجال لانتخابات في وظائف تتم بالاختيار او العكس ...
·    اي موضوع يمكن مناقشته و الاتفاق عليه و تسويته .......حتي الموت له ديه و له قصاص ..........لكن في ناس مصرة تدخلنا في دوائر الفوضي تاني ..........طالما في بلد نقدر نضغط نتناقش ......ناس نازلة تقول الجزر مصرية ...... ده ماله و اسقاط النظام !!!!؟؟؟؟؟؟؟..عايزة تسقط النظام ليه؟؟؟؟؟؟؟ .......علشان لازم تسود الفوضي .....و ندمر جيشنا الوطني و نستبدله بشويه مرتزقة من جميع الدول ........علشان اننا نعيش علي صفيح ساخن .....بلاش كلام فارغ .........الشعب شاف الافلام دي قبل كده و ماحدش حيصدقها و لا حيقبلها .........
·    كان في نكتة ايام السادات بعد ما طلع و قال ان مصر محربتش عشان كان عام الضباب
النكتة بتقول ان عربجي ماشي بالعربية بالراحة فواحد بيقوله متشد حيلك شوية يا اسطى قاله معلش اصل مش شايف من الضباب قاله فين الضباب ده قاله اسأل الحمار..............الشتم و السب ضريبة للحكام مهما كان عملهم و اخلاصهم و انجازاتهم و انتصاراتهم ...........ملحوظة النكتة اتقالت قبل حرب اكتوبر يعني برضه الناس كانت بتقول علي السادات احنا شفنا منهم حاجة ، دول خاينين مش بتوع حرب و سايبين سينا .......!!!!!!!!!!!!!
·    لما قامت ثورة 52 ......طلعت نكتة .......ان الشعب لما دخل اوض قصر عابدين لقاها ملايانة بلاليص عسل عن اخرها ........منتهي المسخرة عن تصور الفقراء السذج للغني الفاحش !!!!!!!!...........حاجة كده زي رشوة الساعة الرولكس.......في حد يا عبيط حيفضل طول عمره مخلص لبلده و يضحي من اجلها .....و بعدين يبيعها بساعة رولكس .....!!!!!!!!!!!
·    المشكلة في وجهة النظر في كل موضوع .........و هناك صراع اجتماعي فعلا بين الاجيال .........الشباب لم يمكن من القدرات و لا الخبرات و لا المهارات ......و طبعا لم يمكن من اتخاذ القرار .......لازالت الامور تترنح بين اصحاب السبعينات و التمانينات بغض النظر عن ادواتهم و خبراتهم الا انهم جيل سابق و يميلون للاحتكار والتوريث و لم ينقلوا الخبرات ..................المشكلة في الصراع الاجتماعي و الان ايضا في الموارد البشرية ........و لذلك يلازمنا الكثير من الفشل .
·    لازلت اصف اهم اسباب ثورة يناير بأنها صراع بين الاجيال .......صراع للوجود ، صراع بسبب اختلاف طرق التواصل و لغة التواصل ،صراع بسبب تقصير في التربية ، صراع بسبب تقصير في ايجاد فرص و توريث فرص و احتكار فرص عن الاجيال اللاحقة ............
·    اسهل حاجة تكون ثوري .......سهل تكون سياسي .........الاصعب ان تكون رجل دولة ..........
·    بيزيفوا التاريخ ...... لماذا الان ......بيشككونا في الزعماء و الازهر و الكنيسة و رجال الدين و من بني الاهرامات .....احمد عرابي مطيور ، و مصطفي كامل بيخونا مع الخليفة العثماني ، و سعد زغلول بيشرب خمرة يا عاطف و بيلعب قمار و محمد عبده و طه حسين و لطفي السيد بيشجعوا الالحاد و الثقافات اللادينية لنشر الفاحشة !!!!!!!! .......طبعا بيزيفوا التاريخ .......لازم يشككونا في معاني الوطنية و القيم الدينية و يتركونا في حالة تردد اياب و ذهاب بين القيم و الثوابت ....و نتحول الي شخصيات حدية في قلق و عدم شعور بالامان و نفكر بمزاجنا و نؤذي انفسنا و نستمتع بذلك ...........و نهزم انفسنا في الاخر ....... انهم يزيفون ما نعيشه الان فالاسهل تزييف مالم نعشه.......هل نعي ذلك ؟؟؟؟؟
·    كل دول خونة / كل دول جهلة و ما بيفهموش / كل دول بيبيعوا البلد !!!!!!!!......لو الموضوع كده و انت فاهم كده........ يا تتعالج ، يا تحسبن / يا تراجع نفسك ..........
·    المؤكد انه برغم كل شيء ........ان الجميع يحسد المصرين علي وطنيتهم و انتماؤهم لمصر ..........بلاد اخري لا يتعدي الانتماء الاسرة التي ينتمي اليها .......الوطنية معناها المصريون .
·    تعليق الرئيس كامل عن موضوع الجزيرتين ........اسمعه بدون اختزال و تقطيع .....هي كلها 20 دقيقة ..... ..........خليك واثق في رئيسك و اجهزة بلدك من خارجية و جيش و مخابرات و اساتذة جامعات في اللجان المختصة ..........مش معقول انت حتكون وطني اكتر منهم و مش ممكن حندير البلد من التلفزيون ........رأي الدولة المصرية واضح و يضع الامر امام البرلمان ........انا اثق في الرئيس و الجيش و مؤسسات مصر ..
·    هدي عبد الناصر علي سي بي سي .......عبد الناصر لا يتكلم مجازيا ، الجزيرتان مصريتان و في المياه الاقليمية لمصر .......و تعلق الامر محتاج لتفاوض وحل في اطار العلاقات الاخوية و العربية .
·    لما يكون الطبيب و المريض و الطب باللغة الانجليزية بيكون لزاما علي الطبيب تبسيط المعلومة الطبية للمريض علشان يقدرياخد قرار العلاج و يرتب نفسه لو للعملية او علاج اثار علي حياته و اسرته و عمله ..............و لما يكون المريض فقط غير متعمق في الانجليزية او المصطلحات الطبية لا يكون له فرصة الشرح و التبسيط ........هو ده الفرق .....ما فيش مشاركة كل واحد نصف اله في مهنته و الباقي جهله.........!!!!!!!!!!!!!!
·    الشعور انك محتل .......شعور بيصاحبة غطرسة ........اتغطرسوا يا اخوانا !!!!!!
·    معلش مافيش نصيب اصل توتو و صافي......... طلعوا موعودين من زمان لاولاد عمهم الرجالة بصح اللي سال دمهم .........الفلاح ابو لاسة و دكة ,,,و الصعيدي ابو جلابية طوبي .......
·    الحاجة اللي ممكن اقبلها .............انهم مارضوش يقولوا لهم "لا".........و خلوها تيجي من الناس........السياسة مش وحشة !!!!!!!!.......غير كده الموضوع مش راكب و لا شاكب و لا توقيت و لا اداء و لا دليل و لا قانون و لا دستور .......و لا ايه ؟؟؟
·    بعد كده لما حد يقولك اشرب من البحر بعد كده ..........تفهم انت بقي يا حدق انه البحر الابيض .........البحر الاحمر مالكش فيه !!!!!!!!!!
·    الموضوع بين ازمة الثقة و بين الاسقاط علي الاخر و بين الكره الذي يعمي عن الحقائق.......
·    في تناول اي موضوع .......هناك فرق بين .............
الوعي : ان تعرف ان هناك موضوع ما مهم .
الثقافة : ان تقرأ و تتناقش عن هذا الموضوع .
العلم : ان تحيط بالموضوع و بكل ما كتب فيه من اراء متضادة و تستطيع ان تستنتج و تستنبط حلول له .
الخبرة : هو ان يكون لك الوعي و الثقافة و العلم .......و يمر عليك الموضوع ذاته عدة مرات من اوله لاخره و تكون خبرة للتعامل و التفاعل و التفكير الجزئي و القريب و البعيد لكل احتمالاته ليس فقط لمعرفتك و لكن لانك اخطأت و ظننت و نجحت في التعامل معه ..........تكرار هذا يكون خبرة و الخبرة تكون حكمة و ادوات مهارية تلقائية في موضوع ما او تخصص ما .
-
الطب اقرب مثل لذلك ......كل الناس يمكنها ان تعي اهمية و خطورة مرض معين ......بعضهم سيقرأ و يتثقف فيه و لكنه لن يستطيع علاجه ........الاقل يتخصص و يقرأ و يبحث عن ما تم الوصول له و يعد ليبدأ علاج مرضي .............اخيرا تتكون الخبرة برؤية عشرات او مئات المرضي في مسار المرض و تناوله و استجابته للعلاج و مأل المرض ...وتتكون الحكمة و المهارات التلقائية في التعامل مع المرض و كل مريض به علي حدة .......
-
و كذلك الامر في السياسة و الدين و الاقتصاد و ترسيم الحدود
.
·    برنامج تلفزيوني اقتصادي اسمه " صين المال و الاعمال " علي القناة الصينية CCTV 
يبين و يناقش الاستثمار و المشاريع الصناعية الصينية في محور قناة السويس ..........الصين برضه حتناقش و تشارك في مشاريع فنكوش ......اعقل يا بني !!!!!!!
·     
·    لازم نفصل في التفكير بين موضوع الحدود و موضوع التعاون الاقتصادي.......اصل الزيطة ساعات بتاخدنا و بنهاجم اي تعاون او اي فرص للاستثمار و نلخبط اننا بنهاجم ايه و لا علشان ايه .........و تلاقي الزيطة و الخبل بلاها تعاون و بلاها استثمار ......مشاريع الجسر البري و التعاون في المجري الملاحي بقناة السويس و غيرها مش فنكوش و لكنها فرص حقيقية للتقدم للامام بين دولتين عربيتين مسلمتين متجاورتين اكتر استقرارا من دول اخري .........وواضح جدا ان الهجوم علي التعاون بينهم او افشال ذلك ممكن يكون من مصلحة مين ..........
·    اللي اعرفه ان مصر لازم لها سركي بتتسلم عليه .......و كل واحد استلم حاجة لازم يسلمها زي ماهي .........الباقي بقي نتناقش فيه و نسكت عنه ونرضي بيه و نثق فيه .........
·    معلش كتير الرسام بيغلط .......و ساعات ياخد درجة وحشة كمان في الرسم ....بيحصل.
·    موضوع الارض و الحدود ده محتاج بحث مفصل من المختصين ...مش حينفع كل الناس يكونوا بتوع تاريخ و قانون دولي و جغرافيا ......الموضوع محتاج شفافية كاملة للناس ( و الناس يعني مجلس الشعب او المحاكم الدولية ) .........مش حينفع امر واقع و بس ......
·    الله اكبر ......تحيا مصر و السعودية ......و الله ولي التوفيق للمخلصين للشعوب و الاوطان .

د احمد البحيري
استشاري الطب النفسي
·     
·     

·     
·     
·     
·     
·     
·     
·     
·     
·     

·   
·     
·     
·     
·     
·     
·     
·     
·     
·     
·     
·     
·     
·     
·     
·     
·     
·     
·     
·     
·     
·     
·     
·     
·     
·     
·     
·     
·     
·     


·     
·     

ليست هناك تعليقات: