الأحد، 17 أبريل، 2016

كلمات عن الثورة - 44



·       حظنا اننا اتولدنا ف العصور المظلمة لتاريخ بلادنا...... و الاسوأ ان علينا ان نواجه هذا بتورش قلم!!!!!!!.
·       تحس انه موسم التعذيب في الاقسام / او علي الاقل موسم تسييح مخالفات الداخلية .... .......داخلين بقي علي 25 يناير و كل عام و انتم بخير ...........
·       النصابون فقط هم من يوعدوك باللامعقول ........و انت عليك انت تغامر و تصدقهم .......غريب انت يا اخي !!!!!!!!.
·       لامانع ان تظهر بعض الضعف او الخجل او الخوف او الارتباك .........لتكتسب الكثير من التعاطف و المناصرة في مجتمع و قضية تهمك .........لاداعي لتكرار ذلك ، و تجنب ان تظهر ضعفك اكثر من اللازم ، غلفه في اطار قدرات و مواقف و فهم الانسان العادي لمزيد من القبول و التفاعل الايجابي تجاهك ............
·       هل لو الواحد قال لجيل الايام دي ان احد هواياته كانت " تجميع الطوابع " ..........ممكن يحسوا انه غريب الاطوار ..........!!!!!!!!!!.
·       في الاصلاح ابدا بنفسك.... فان قدرت عليها!!!!......تقدم و اصلح العالم.
·       لما حد يعمل مجنون و يعدي الحدود المصرية .......لازم نمشي في اجراءات عرضه علي الطب النفسي......ليس كل من فعلها مختل عقليا و لا اللي بعته مختل عقليا .......... و السؤال ، هل اثناء الجريمة الحالة، التي يقوم بها مريض نفسي او شخص عادي ، هل علي رجل الامن او الجندي في الميدان السماح بها دون منعها لحين وصول التقارير الطبية له !!!!!!!!!!.......و اللي يطبق علي حدود البلاد يطبق علينا .........عيب علي الجزيرة ..........
·       انما لازم نحي العمل الجاد و اقتناص اللقطة الاعلامية الذهبية .........ما حدش يقدر ينكر ان تواجد الجزيرة بالصدفة مع قطع المواطن الحمساوي المختل للحدود المصرية قدرة علي متابعة جيدة لكل المجانين هناك ........!!!!!!!!!!!!!!.
·       هو المريض النفسي بيتركوه يرتكب جرائم ؟؟؟؟؟؟؟؟؟؟؟..............امال المستشفيات النفسية و قوانين الصحة النفسية للمرضي الذي يثبت انهم خطرين علي انفسهم و الغير اتعملت ليه ........اذا كان مريضا نفسيا فهو مسئولية من تركه ليصل للحدود و هو عريان و طبعا ده موضوع له علاقة و لومه كله علي السلطة الفلسطينية و ادواتها الطبية .........اما عن تصويره في هذه اللحظة فهو الاعجب ؟؟؟؟؟؟؟؟؟.
·       سد النهضة ...........علشان تخسر حد و تفلسه تمام ........ لازم تحرق له الزرع قبل الحصاد مباشرة مش تمنعه من الزراعة .
·       ليست المشكلة ان تكون قريب من الموت.... الاهم ان تكون قريب من الله صاحب الموت و الحياة.
·       اوهام الاطفال 
الموت يحدث عند الكبر فقط.
الكبير هو من عنده اربعييييييييييين سنة .
اكتر من اربعين ده اكبر من اي حد اعرفه !!!!!!!!
بابا و ماما مش بيكذبوا .
ماما عارفة كل حاجة .
اللي بينتصر في الحرب ليس عنده خسائر و لا بيموت من جانبه حد.
الحرمان من اي لعبة او فسحة هي اكبر مشكلة في العالم.
المدرسة و الدراسة و اختباراتها اقسي ما يمكن لانسان ان يواجهه,
اجازة اخر السنة هي الفترة التي يتمناها الطفل و هي ما يعيشه الكبار اجازة في اجازة طول الوقت.
·       ان تستطيع ان تحلم لمستقبلك فهي خطوة هامة لحياتك.
ان تشارك الاخرين حلمك فهي خطوة رائعة.
ان تحلم مع الاخرين لتحققوا معا حلم وواقع جديد فأنت ملهم .
·       لما شباب تموت من اجل وهم و هي مغسولة مخها ........و تلاقي شباب تانية بيدافعوا عن حقهم في التفجير و قتل اهلهم ...............لازم نلوم نفسنا اننا ماربيناش و لا علمنا و لا ثقفنا و تركناهم لغسيل المخ يقتلهم و يقتلنا ......
·       ازاي شاب في العصر اللي احنا عايشين فيه عايز يحقق المجد لبلاده ودينه مش قادر يفهم ان ادوات المجد و الانتصار اختلفت و اصبح اساسها العلم و اكتسابه وتعليمه و الاضافة اليه ........ازاي مش عارف يوجه جهده ناحية ادوات العصر و يبني بلده اونفسه علي الاقل بدل ما يروح يغتال في ناس مختلف معاهم او يموت و يعتدي علي ناس مش عارفهم اصلا ........هل حرق فندق بالكامل بكل العاملين فيه و السياح اللي فيه يابني انت وهوحيحقق اي انتصار لمصر او دين الاسلام او يرجع القدس اويطرد اليهود من فلسطين او يرجع الاندلس اويوحد المسلمين ؟؟؟؟؟؟؟................للاسف قتلت نفسك في غير ذي مبدأ و لا وسيلة و ضررت بلدك ودينك ..........و قبلها قبلت مسح عقلك و سلمته لافكار شيطانية و لوكان من يقولها بدقن للارض و لو كان من يقولها علي اعلي منبر .........
·      
الارهاب بين الشرق و الغرب .
شباب من الشرق ، و الغرب ينضمون لداعش .
شباب من الشرق ،و الغرب يمارسون الارهاب
بين فقدان الامل ،و الجوع الروحي .
بين الامل في تقدير من الاخر ،و البحث عن الهوية .
بين دور معدوم ،و دور متكلف ذو اتجاه واحد.
الارهاب ضعف انساني يبحث عن الكمال بدماغ ممسوحة من الفرد 
و مشوشة عقيمة من مجتمعه.
·       الارهابي .....واحد عايز يعمل حاجة كبيرة في وقت قصير .......اكيد مش حيلاقي مصباح علاء الدين و لا شنطة عادل امام اللي فيها مليون دولار...........و لا حيلاقي سكة مضمونة و مرسومة متبنياها الدولة في طريق علم او ثقافة او فن حتي لو طريق طويل .........الموجود انه يروح الجنة هو ده الوعد المغلوط من جماعات غسل الدماغ لشباب ملاقاش وعود تانية و عايز يعمل حاجةكبيرة ..........اللي يقولك الاسرة ما ربيتهوش /قله و مين مفروض يربي الاسرة .
·       التطرف هو
رؤيتك الامور علي الحد ,
القلق ان تصاب او تفقد اهم ما تؤمن به من اقل هفوة.
الوسوسة في اراؤه.
رد فعل عكسي لماقد يكون مخالف للاراء التي يتطرف فيها .
منفذ المشاعر هي التمسك باراؤه او الاشخاص التي تمثلها رغم الجمود في غير ذلك .
قراءة الاخر كمغاير او مهاجم او عدو
كل ما يقوم به يعزو للاضطهاد او الاستهتار
الحلول العنيفة لفظيا او حتي يدويا مسموح بها لمنع الخطر
البعد عن ضمانات و موازانات الواقع .
اللجوء لوهم القوة
الخلط بين مهارات الثقة بالنفس و التوكيدية .
لا فرق بين او ، ربما ، و، اكيد .
مساندة مجموعته لاراؤه اهم من منطق الواقع و اختباره لرأيه.
اختيار مجموعة بديلة عن المجتمع للتعامل و الثقة ويكون لها وضع خاص في الذهن.
غرور و زهو عن اخرين اضعف اكثر مرونة او لعطائهم الوقت للتناقش او لخوفهم علي مصالح اسرة او مجتمع .
غير التضحية و التسامي و الفداء للوطن او في سبيل الله لان كل ما سبق مرتبط بالمجتمع العام او الدولة و ليس مجموعات داخل المجتمع .
·       وظيفة المعلم ان يعلم تلاميذه و يطور منهج التدريس و يدير جيدا العملية التعليمية ليصل العلم و تطبيقه بسهوله لمن يدرسه..... اكيد مش وظيفته انه ينتقد و يالس علي تلاميذه في اولي حطواتهم او ان ينسب لهم فشل تعليمهم لان اي فشل في العملية التعليمية و التدريب يكون النصيب الاكبر للمسئولية من نصيب المعلم و نظام التعليم........... التعليم محتاج مراجعة و كفاية مكابرة و ياريت علشان الاجيال الجاية.........
·       فهمت اننا بقي الديمقراطية ,,,,,,,,,,,بدل ما يبقي في خناقات في الشارع و حرب اهلية ............اعضاء البرلمانات بتقوم بيها بالنيابة و بكده تتقدم الامم ......اصل بصراحة الدول اللي جيبينها في الفيديو عاملة شغل الهند و تايوان و روسيا و فنزويلا يعني ابظاهر ان دي الطريقة اللي بتجيب نتيجة ........استعدوا لتمريض البرلمانين.
·       اللي يشرب لوحده يفطس او يغرق او يتهد عليه السد.......
·       اكبر اخطاء السياسي ان يهدف لاصلاح نفوس المواطنين بدلا من اصلاح امورهم و علاقاتهم و اقتصادهم .........اصلاح النفوس مهمة الانبياء و ان قدروا عليها ...........السياسي مالوش فيها .
·       مافيش حاجة اسمها قانون يقضي علي الواسطة .......في حاجة اسمها اجراءات تقضي علي الواسطة .......و ده اساس محاربة الفساد / اليات ذكية متطورة مش بس الفساد هو اللي ذكي.
·       الارهاب و نظرية الاواني المستطرقة
ببساطة نلاحظ زيادة العمليات الارهابية في الخارج كلمازاد ضبطها و السيطرة عليها في مصر .................
·       كل ما اسمع "خلطبيطة بالصلصة " ............افتكر التخطيط و الادارة في المؤسسات الحكومية في مصر !!!!!!!!!!!!!.
·       بدل السجن او الحجز و البهدلة للعيال من الثوار ( اقل من 21 سنة ) اللي كتير منهم مش عارف يعني ايه ثورة او تغيير في المجتمعات ...........اعتقد التكليف بالخدمات المدنية و التثقيف الوطني حيكون وسائل افضل للتعامل و لاعادة توجيههم و تربيتهم .
·       هو عيب ان حد بيشتغل في وظيفة حكومية بزمة و ضمير يقول انه بيشتغل بزمة و ضمير.... انا رايي لا من حقه...... طب عيب انه يقول انا بصرف علي الوظيفة و بدي لها كل وقتي و هي معطلاني عن فرص عمل افضل.... انا رايي مش من حقه و عيب انه يقول كده...... في فرق بين القدوة و المن و في فرق بين الترفع و المتاجرة في المواقف.....اللي مش عاجبه تضحياته الجامدة ف الوظيفة الحكومية يسيبها و بلاش مزايدة.
·       عندما تصل لاعلي مستوي من البهجة في الخروجة او الصحبة اللي انت فيها عندها فقط ..........خدلك سيلفي مع اصحابك او اهلك ...........خلي الصورة تسجل واقع ، الواقع السعيد هو الهدف ......بلاش تخلي السيلفي المتصنعة بدون هدف هي الموضوع .......اتعود و اتدرب علي كده.
#‏علاج_سلوكي_معرفي.
·       هو ليه الاطباء يعملوا مقاومة او اضراب او حتي يشتكوا....... احنا نرفع الراية البيضا و خلاص اللي هزمنا شر هزيمة يعولنا و يعالج المرضي .........و يتم قرار بتبعية المستشفي لقسم المطرية.
·       انا بس اللي شايل همه ان ممكن تهم تتوجه للاطباء الجراحين في مستشفي المطرية بحملهم مشارط جراحية في حجرة العمليات...... LOL.
·       المشكلة مش ف الفساد.......المشكلة ان تلاقي ناس بتقول و بكل اقتناع و تمني.... "ارزاق"!!!!!!!!!.
د . احمد البحيري 
استشاري الطب النفسي 

ليست هناك تعليقات: