الأحد، 17 أبريل، 2016

كلمات عن الثورة -43



·       هل مصر تحتاج كل هذا العدد من السفارات و القنصليات في الخارج ؟؟؟؟.........اضغطوا نفقات التمثيل الدبلوماسي ........اصلا لا في خدمات للعاملين بالخارج و البعثات فين و مش حنتكلم عن دور الملحق التجاري و دراسة السوق في دول اخري ............الموضوع محتاج رؤية جديدة و ضغط نفقات بما يناسب وضعنا الحالي و خططنا المستقبلية .
·       عندما يكون للعلم حدود ..............فالجهل بلا حدود.
·       حساسين مش بيعرف يتكلم ........يعني ايه يا بني ترهل الخدمات الصحية ؟؟؟؟..........في ترهل الوظائف و الهيكل في الخدمات الصحية .........اما الخدمات الصحية ففيها قصور مش ترهل .........ليه بس كده يؤتي الامر لغير اهله خالص ..........
·       اقتراح لحل مشكلة اسراء الطويل نظرا لصغر سنها تقدم اعتذار عن ما فعلته و تنكر اي علاقة لها سابقة او مستقبلية من تعريض او تحريض ......و تقر انها تريد السلام و الامن لمصر و لمن يقومون عليه ..............و لا هو الموضوع عياط و بكاء و اكتساب تعاطف مع اصرار علي معاداة ادوات الدولة ..........
·       بناء الدول مش بالمظاهرات و الناشط السياسي و الناشط الفيس بوكي و التويتري ..........بناء الدول بالعلم و العمل و ده بيحتاج وقت اكتر شوية من انك تلم مليون واحد في ميدان التحرير وبيحتاج صبر و تضحية و الالام اكتر من الخطب علي منصة او في قناة تلفزيونية .
·       انتظارك لتقدير الاخرين لك "وهم ".............الحقيقة ان تقديرك في مدي اخلاصك و اتقانك و نجاحك في تغيير واقعك .............تقدير الاخرين ما هو الا انعكاس لنجاحك ، اما اقرار للواقع الذي صنعته او نفاق لك او خوف منك و في كل الحالات لن يضيف لواقعك شيء .......هذا ينطبق علي الافراد و الدول .
·       معظم حالات الاحتلال في التاريخ السابق ...........بدأت "بتلكيكة ".
·       الموضوع باينه مش حيرسي علي السياحة في سينا ..........و لن تكون هناك ثورات بل سيكون هناك حرب و دفاع عن التدخل الاجنبي المباشر ربنا يستر ......لفوا لفوا و برضه عايزين يقسموها بس بعد ما خلعوا الوش .
·       الطيارة الانجليزي تفادت الصاروخ... بيحصل علي فكره في الافلام........ بس لما يبقي حيلبس ف طيارة تانية!!!!!!.
·       لا المنصب حيخليك تفهم اكثر و لا الاعلام حيخليك اعلم واحد ...................انها مجرد اضواء مبهرة تضيء و تلمع اي شيء ،،،،،،،،و لكن يظل للماس و الذهب قيمته و لمعته الحقيقية .
·       لما ربنا يكرمك و تمسك منصب و تختار الناس اللي تحتك ف وظائف لازم تتاكد قدر الامكان انك بتختار صح و لازم تعرف ان اختيارك لحد بواسطة او كوسة او محسوبية او حتي لشخص تعرفه لمجرد الثقة مش الكفاءه..... مش بس وضع انسان ف غير مكانه المناسب.. لكن هو كمان ظلم للعمل و ظلم لشخص لمجرد انك ما تعرفوش.....اتقوا الله ف مصر.
·       مش احسن ما نكون زي سوريا و العراق .........و فرنسا .
·       في بوم كتب التاريخ ان مصر اوقفت زحف التتار عن باقي العالم و عن شمال افريقيا و اوروبا ...............و سيكتب التاريخ انها اوقفت زحف الارهاب و داعش .
·       في كل بلاد العالم يفخرون ان رئيسهم او ولي عهدهم خدم في جيش بلادهم ......................و نحن ايضا نفخر بجيش مصر و ابناؤنا ممن يخدمون فيه جنود وظباط .........يحيا جيش مصر و تحيا مصر.
·       ليه فرنسا بلد النور تعمل كده ......الديمقراطيةيا اخوانا ...طب حقوق الانسان ....طب المساواة ......طب نستهدي كده بدل ما نظلم العرب والاسلام .........طب بلاش قضاء عسكري ورجعوا الجيش لثكناته 
علي فكرة ما فيش مؤامرة و لا ارهاب ولا حاجة ده مجرد حراك مصالح يبان كأنه مؤامرة ........!!!!!!!!!!!..........
·       الموضوع مش ان داعش تتبني العمليات الارهابية في فرنسا ..............المشكلة ان الغرب بيتببا داعش و الارهاب .
·       لما يبقي في الخبر ده
نيوزويك تحذر: غرق 60% من دلتا مصر بنهاية القرن الحالى
و انت تقول في نفسك .......يامين يعيش !!!!!!
يبقي مافيش فايدة ........
·       كل واحد من المرشحين كاتب .....بكره احلي .......طب ليه بس بتكره احلي ، ما تحبه !!!!!!.
·       بدل اللي بيحصل من مسخرة بالابواق الانتخابية و الاغاني الهابطة بعربيات عمالة تلف في شوارع مصر الجديدة للاعلان عن المرشحين ........كنتوا لمتوهم في سراية من سرايات معرض الكتاب و بكل احترام يقف المرشح جنب صورته و يقدم برنامجه و يقدم ندوة و يتناقش مع الناس هو و غيره .......و تبقي حاجة محترمه من غير تلوث سمعي و بصري و شغل عشوائيات .......بصراحة حاجة ورا قوي !!!!!!!.
·       بعد اغتيال السادات و تولي مبارك و ظهور الوفد و احزاب المعارضة المؤيدة من الاسلاميون و الاخوان ........بدأت نغمة الهجوم علي كل شيء في عصر عبد الناصر ......طبعا عبد الناصر له عيوب قاتلة .......لكن ظهر بقي الهجوم علي رمز عصره السد العالي انه مشروع فاشل و حرم مصر من التربة و الطين وعمل نحر في النهر و انه فنكوش كل العصور .....الي ان اراد ربك و جاء الرد العملي في ان ينقذ السد العالي مصر من سنوات الجفاف و التصحر الذي اصاب افريقيا و دول مجري النيل و مات الالاف .....و ابسط الصور كانت هياكل عظمية سوداء لبني ادمين احياء في ارض افريقيا قاحلة مشققة ...............السد العالي لم يكن فنكوش انه انجاز و ارادة ........و كذلك المفاعل النووي .....سنثق في شعبنا و قائدنا و جيشنا ....تحيا مصر .
·       اللي يشتم ف اهله و ناسه و لا حيبقي اي حاجة و لو لبس الف توكسيدو و حضر ضيف شرف علي الف ايمي و اوسكار.........
·       ايه اللي يخلي الانسان له تمن في بلده....فقط شعوره بالتساوي و بالامان الاجتماعي و الصحي و عدل القانون........ دول كتير اغني و يفتقد فيها الانسان ده ..... دول كتير مرت بازمات و فقر خاصة و علشان النقطة دي ترجم اهلها كل معاني العمل المخلص للوطن.
·       جه اليوم اللي نشوف فيه ابن الفلاحين له اصحاب في اسطنبول ..........قال ايه و بيدافع عنهم .........و بيبات و يهرب عندهم .
د/ احمد البحيري 
استشاري الطب النفسي  

ليست هناك تعليقات: