السبت، 16 أبريل، 2016

كلمات عن الثورة - 42



·       الحرية تبدأ من حرية العقيدة اختيار و قبول و عدم تمييز و تعايش .......
·       لازالت المشكلة في الفساد و الاحتكار و اختيار اهل الثقة ........هل علمها الاحتلال الانجليزي لطبقة الموظفين و تركها تسليم و تسلم عبرهم !!!!!!!!.....
·       " ان صح ما تنقله الجريدة اصلا ""......سيبك من كلام الوزير من الناحية النفسية لان الموضوع ده مش هو مريط الفرس ...........الموضوع في مدلوله " الاداري ,,,,,,الوزير ليس لديه اجراءات يسيطر بها علي موظفيه الا بالتخويف و النقل او انه المفروض يسيطر ؟؟؟ ...........لابديل عن المجلس الاعلي للصحة و الكوادر البديلة صف تاني لغاية عاشر يمكن الاختيار منهم و يتم تدريبهم اداريا ..........عنده مشاكل في مواجهة مجموعة مصالح تعرقل ادارته!!!!....و ليس له وسائل حقيقية الا التهديد
·       مصر لن تنجح طول ما بنسعي للنجاح في عيون الاخرين ( الغرب او الشرق / امريكا او ايران او تركيا أو دول الخليج ).........مصر ستنجح عندما نسعي للنجاح في عيون المصريين .
·       كما ان ليس كل كلمة "خيانة ".........فهي ليست أيضا "واقع الحكمة "...فقط علينا النقاش بموضوعية و سماع الانتقاد و التفكير في الحلول.
·       لما كانوا يسألوا علي الافضلية للقلب و لا العقل .........كان الواحد عادي من قلة خبرته اولايفتكر السؤال عن الحب بين الرجل و المرأة و ثانيا ان العقل طبعا هو بتاع التدبر و الحساب فهو الافضل .........................الايام تؤكد لي ان الهوي و الميل و ما نحبه هو ما له الافضلية في اي رأي في علم او دين او اقتصاد او سياسة ...........او حب بين رجل و مرأة طبعا علشان البوست ما يبقاش ناشف !!!!!!!!!!.
·       ياتري عدم اتساق الناس مع مبادئهم بيكون بسبب الضغوط الشديدة عليهم .........و لا علشان هم بيفتقدوا المباديء اصلا .......!!!!!!!!!!!!.
·       عايزين شباب ..........طب خدوا شباب ....احمد مرتضي منصور ،شباب ده و لا مش شباب يا متعلمين يل بتوع المدارس.
·       تقريبا كل احلام و طموحات محافظ الاسكندرية غرقت في مياه الامطار ...........و ده درس عملي "لترتيب الاولويات "/ .........الهدف اصلا من المحافظ "تعليمي" اصلا ......تعيشوا و تاخدوا غيرها !!!!!!!!!.
·       ماهو التفاعل الكيميائي بين الزبالة المنتنة و المياة الغزيرة المكمكمة.............الاجابة ، انظر كتاب المسيري اخر صفحة في منصبه لو في دم......
·       هو عايز ينجز و عنده افكار جديدة ..........بس يا عيني الامطار مش مدياه فرصة........ان شاء الله حيكتشف حل الفزورة الصيف القادم ..........احنا هدفنا ناخد ابنك المحافظ صغير كده و نطلع بيه واحدة واحدة لغاية ما يكتسب خبرات الادارة و التخطيط .......و ربنا يكرمه و يهاجر و يبقي محافظ في استراليا !!!!!!!!!!.
·       المختصر في التعامل مع الدولة العميقة ، المريضة 
تبقي سياسي لطيف و تحتوي الموظفين اللي معاك يزنبقوك و يقولوا عليك ضعيف و تطلع منهم فضايح للسرقة يتهموك معاهم فيها.........تبقي حازم و تتابع العمل و نقاط الضعف و تقفل حنفيات المصالح و الفساد ، يقولك عنيف و تصادمي و مش متواصل مع موظفيه !!!!!!!.........مثال النجاح في الدولة العميكة قوي اما التعاون بالفساد و الافساد او انك تعمل عبيط و تمثل دور اللي بيشتغل بس اللي حواليه مش ممكنينه ،،،بس هو ممكنهم ، حيعمل ايه ما هو لازم يستمر في منصبه .............الدولة العميكة بتسلم عليك ......
·       الواقع المصري في الصحة و التعليم
اما ان تستطيع تعليم اولادك في مدارس او كليات عالمية او خارج مصر لتحصل علي تعليم جيد لهم .............قارن تعليم حتي السبعينات و اوائل الثمانينات و مستوي اللغة العربية و الانجليزية و مستوي الخريجين و تفاعلهم مع العالم الخارجي من مصر او في الخارج .......قارن عندما كان التفوق عنوان المدارس الحكومية و الكليات الحكومية مقبولة الشهادات في كل العالم بدون معادلات و تساؤل عن جدواها !!!!!!
اما ان تستطيع العلاج في الخارج مباشرة بقدراتك المالية او علي نفقة الدولة ، و الا لن تجد خدمة صحية .........لم يجدها حفيد مبارك و الكثيرين مما لم يسعفهم الوقت او يستطيعوا العلاج في الخارج ..........لاحظ هناك محافظات فقيرة الخدمات حتي القري الساحلية السياحية تفتقر الخدمات ( يعني لا خدمات لفقير او غني .....لازم تكون سوبر غني و ملياردير )!!!!!!!!!!!!!!!!!
·       ريهام سعيد و الاعلام المتوحش 
مرتضي منصور و سيديهاته 
من الاخر كده هو الزنا و المليطة لتحقيق متعة شخصية في السر يضر المجتمع "اكثر" ..............ام التجسس و هتك ستر علي الاخرين و فضحهم في بيوتهم او ممتلكاتهم الخاصة بغرض تحقيق مصلحة او نجاح .........علينا ان نفكر مليا و نرتب اولويات القيم ........و مش عايز ناس هابلة تقول البوست دعوة لقلة الادب مش ناقصين ضعيفي العقول !!!!!!!!!!!!
·       بكل عمق ........يمكن اعتبار عمليات التزوير لانتخابات مجالس الشعب السابقة علي انها عمليات تجميل LOL.
·       بما ان الناس بتقاطع الانتخابات ..........فالناس برضه بتعمل ضغوط و اختيارات مجتمعية في الفيس بوك عن طريق "نظام التغذية الراجعة"BIOFEED BACK.
·       #‏مصرالجديدة
قررت اللجنة العليا للانتخابات في مصر موعد إجراء الانتخابات البرلمانية لإجراء المرحلة الثانية من الانتخابات في 13 محافظة من ضمنها محافظة القاهرة ومدن القناة وسيناء خارج الجمهورية في 21 و22 نوفمبر 2015 و داخل الجمهورية 22 و23 نوفمبر 2015.
وستقام جولة الإعادة في المرحلة الثانية في الخارج في 30 نوفمبر و1 ديسمبر وفي الداخل 1 و2 ديسمبر.
.............
بصراحة صعب المقاطعة بعد االلي شفناه من نتائج المرحلة الاولي ، ان شاءالله حنزل انتخب و ربنا يعمل اللي فيه الخير .
·       من خرج من داره اتقل مقداره .........امامن خرب داره ....فده مجنون رسمي !!!!!!!!.

ليست هناك تعليقات: