الخميس، 15 أكتوبر، 2015

كلمات عن الثورة – 41





- في الازمنة العادية تجد من يندم علي حبه لشخص ما ................في زمن الفتنة تجد كثيرون يندمون علي الاخلاص والحب لمبدأ ما !!!!!!!!!!!!!
- التقليد للناجحين و المبدعين ممكن ............و لكن اهم سمات النجاح و الابداع هو الصدق و الاصالة و البعد عن الزيف و التكرار .
- يا عيني في ناس في كل مكان ستجدهم طول الوقت فاكرين ان الطريقة الوحيدة للدفاع عن الحقوق و الحريات هي التسخين و الشعور بالاضطهاد او الشعور بالاهمال في اتخاذ القرارات او السياسات ........بجانب ان الاحد يبارون علي الخلق اللي حواليها ....لازم الناس دي تفكر بطريقة عملية ازاي تحقق اضافة حقيقية او تشتغل بطريقة جماعية او ابداعية و تشارك فعلا و بجد .........الاعمال الروتينية اكثر الاعمال نميمة و غيرة و جذبا للذهانين .
- الاعمال الروتينية اكثر الاعمال نميمة و غيرة و جذبا للذهانين .

- لو الناس بتفكر و تناقش و تبدع و تشارك في المجتمع و العمل و الحقيقة نص اللي بيعملوه في الفيس و وسائل الاتصال الاجتماعي ..........كانت مصر نورت من غير كهربا ............لازم نفتح المجال لالاف و ملاين الافكار و الجهود في ارض الاقع بدلا من سجن العالم الافتراضي .
- في الفيديو لمناصري الاخوان و مرسي بالمانيا
ملخص الكلام
شتيمة لمصر و الحكومة و السيسي و الاستقواء بالجنسية الالمانية
مرسي حيرجع و يدبحكم كلكم
الجنسية المصرية لا تعني شيء لهم و مستعد للتنازل عنها !!!!!!!!!!
‫#‏افتقاد_لاي_وطنيةوشعوربالوطن_الحكم_بالعافية_مع_التوعد_بالدبح........يعني_عايز_تحكم_حاول_تبقي_لطيف_وتضحك_علي_الناس!!!!!!!!؟؟؟؟؟؟؟؟؟

-
الاجيال كلها تنظر لبعضها و تظن انها الافضل
جيل يظن انه الاأدب.
جيل يظن انه الاحكم .
جيل يظن انه الاكثر قدرة و فهلوة .
جيل يظن انه الاكثر حرية .
جيل يظن انه الافكس ..........و ما جابتوش ولادة
مع العلم ان الولادة شغالة و الاجيال مستمرة .........بنفس المنطق تقريبا.

- الناس فاكرة ان الزيارات و المفاجئات حتؤدي الي اصلاح او حتي اجراءات شكلية .........الموضوع ده عادي حيؤدي للبيع و الخصخصة ........احنا في مصر و لا نسيتوا .

-  الادارة التي تحترم و تثمن العمل الاداري فقط ، و تحتقر و تقلل ماديا و ادبيا من العمل الفني و المهنة الاصلية القائم عليه العمل و لا تجعل لها طرق للابداع و فرص ترقي ............ ادارة فاشلة .

- هناك من هو متحمس و لكنه لا يعرف الطريق ، و هناك من يعرف الطريق و لكنه يخونه الحماس و الارادة ............هو ما فيش اختيارات تانية .

- اصلاح الصحة عن طريق تقطيب الجبين و الاقالات المفاجأة و الزعيق الجامد ...........موافقين ........اللي حيجي بقي يدير بعد المدير المقال حيعمل ايه ............يستخبي ؟؟؟؟؟؟؟؟

- سمعت عن المركزية و سمعت عن اللامركزية ..............لكن عمري ما سمعت عن توزيع المركزية عن طريق الوزير نفسه كل شوية في مستشفي ؟؟؟؟؟؟؟؟؟..............

- في التعامل مع مشاكل الخدمة الطبية بمعهد القلب و المستشفيات الكبري "
استخدام السلطة العليا الاستراتيجية لنفوذها لادارة امر تنفيذي .........مثل محاولة القضاء علي الميكروبات القاتلة بمدفع رشاش .........كويس ان الامر ما وصلش لاستخدام السلطة النووية .

-  الخصوصية و الخصخصة ودوا البلد في داهية .

- الاصلاح الصحي
المشكلة ان المشاكل كبيرة فعلا في وزارة الصحة / مش حيحلها واحد علشان هو طبيب شاطر او استاذ جامعي ، لا حتتحل ل حد عنده خبرة في انشاء الوحدات الخاصة للخدمة الطبية في الجامعات اوو حتي مدير مستشفي كبير ا و مجمع مستشفيات .........الاصلاح عايز مجموعة لهم خبرة في ادارة المستشفيات و عارفين المديريات و الخدمات في مصر و ده ممكن يكون في عدد من زراء الصحة الذين تركا بعض البصمة ، وكلاء الوزارة للعلاجي و الوقائي المتراكمين خبرتهم / ممكن يكون في حد حل مشاكل زي كده في دول اخري في اساتذة جامعات للادارة الطبية طب المجتمع / ممكن و لازم يكون معاهم حد يضع خطط التدريب و التعليم الطبي و عدد المستهدفين من الاطباء و التمريض و مختلف التخصصات الصحية / ممكن يكون في كفاءة اقتصادية لتمويل الخدمات الصحية علي خطوات حقيقية و ليس وعود هابلة / معاهم مجموعة من الحقوقين اللي بيفهموا في قوانين و لوائح الخدمة الطبية لعمل السياسات و الاجراءات اللازمة للخدمة الطبية و قوانين الصيانة و حقوق المرضي و العاملين ..............فوق كل ده لازم المجموعة يكون لها "رؤية و استرتيجية".... كل 5 سنوات معلنة و مفهومة و يمكن تحقيقيها و لابد من محاسبتها بالنقد او استمرارها ...............لا بديل عن مجلس اعلي للخدمات الصحية ......حنظلم و نهدر وزراء صحة كتير طول ما احنا ماشين بنفس الطريقة القوانين و املين ان الوزير الملهم حيجي يفكر بدل عشرات التخصصات و الخبرات !!!!!!!!!!!!!!!!
- الاصلاح الصحي
ما فيش فايدة في اي تغييرا ت ادارية من غير ما تتغير القوانين و اللوائح المنظمة لادارة و اهمها قوانين المزايدات و المناقصات و ادارة المستشفيات و متابعتها / و وضع كارير مهني واضح يترقي فيه الاطباء و باقي المهن الصحية مقابل اعمال مهنية محددة تصب في بناء العمل / التدريب و الشهادات تكون مرتبطة عددا و كيفا بحاجة العمل و خطط الوزارة للتطوير /زيادة المرتبات كما تم المطالبة بها من الاطباء و النقابة سابقا / بالطبع لازم من زيادة ميزانية الصحة لان من غيرها و من غير مراجعة بنود صرف الميزانية لن يتم شيء مما سبق ........

-        بيقولك في تغيير وزاري قريب
ما فيش مشكلة ..........ممكن بس الوزير يبقي هادي كده و يأخذ كورس تحكم في الغضب وو الاندفاعية و الاتيكيت .......اهو يبقي الشكل علي الاقل وزير ، احنا مش طالبين اصلاح ، احنا بس مش عايزين دوشة و صوت عالي و كمان من غير فايدة .

-        في الاصلاح الصحي
اوك نحاسب مركز مجدي يعقوب و نراجع حساباته ........بس مش بنظرة تشكك و اتجاه للمسائلة و التشويه فقط ، و لكن علشان نفهم ازاي ممكن نشوف خدمة افضل و طرق صرف علي الخدمة و المرتبات الادارة افضل ............و في الاخر في فرق في اصلاح الخدمة الصحية الحكومية و مقارنتها بكيان غير حكومي ...............اصل الحل مش اننا نزوغ من اصلاح الصحة بتشويه الاخر ، و لا اننا نمشيها في المستشفيات الحكومية علي التبرعات والمؤسسات الغير حكومية ....لكل مقام مقال و لكل مشكلة و خدمة طريقة حل .

- اكتر حاجة استفدتها من السفر اني ما لحقتش اكل من ام حسن ......كان نفسي اجربه من وصف اصدقاء لي جربوه LOL >>>>>>>> مش عارف موقفهم ايه دلوقتي مع نفسهم.!!!!!!

- مزاج درامي يحمل اخبار انتحار كاذبة و صورة الضحية الهستيرية للحصول علي هدفها و جذب الانظار.......... مافيش مزاج مثابر هاديئ في الوصول للهدف؟؟؟؟؟......

- اعلانات " ام حسن " ............بتقول بالمختصر كده ، ما كانش في لحم حمير لاننا بنهتم بكم ........... اوك الرسالة وصلت ، بس ممكن نعرف كانت لحم ايه LOL

- الاعلانات نقوط المسلسلات......فمتسألش عن نوع المسلسل اسأل عن اللي بينقط!!!!!!!!

- مافيش ارهاب و لا حاجة ده العسكر بيفجروا في روحهم في فرنسا و الكويت و اخيرا في سوسة في تونس.........الحقيقة ان في ارهاب و لازم اللي في غيبوبة يصحي.

- - بداية التغيير هو ازالة اي انكار لرؤيتنا الصحيحة للواقع من ضعف و مشكلات ( وضوح الرؤية بدون مبررات نكذب بها علي انفسنا ) ، لنبدأ التعامل معها و نحلها و نعالجها ...........

- - تذكر انه ، في اكثر الاوقات اشراقا و صباحا ، او اكثرها حلاكا وظلمة ، .........انت تستخدم عينيك لتري الاشياء من خلالها . استعن بادوات اخري او اشخاص اخرين لتري افضل .

- في انجاز الاعمال لا تلوم اخدهم علي اداؤه النابع من خبرته .........لابد من اختيار منجزي الاعمال تبعا لمهارتهم و خبراتهم لنجد ما نريده و نتوقعه .............مرة واحد مدرس انجليزي ممتاز اختاروه لادارة احد المستشفيات كان له اثر عظيم في رفع مستوي اعضاء الهيئة الطبية في اللغة الانجليزية .........فقط ................!!!!!!!!!!!!!

- الفشل المجنح
موجود في الاسكندرية بجناحي محافظ يطير حول الفشل و من الفشل حيطيروه

- في امر المثلية الجنسية و اتجاه او الضغوط للتناول في العلوم النفسية لها........... اكبر خوف ليس انه مرض او ليس مرض/ الخوف الحقيقي ليس علي وصمة المرض او المرضي / الحقيقة ان الامراض النفسية او غير النفسية لايمكن اخفاءها او تغيير حقيقتها /...... الموضوع الاهم في رايي ان يستخدم الطب النفسي و العلوم النفسية لقبول و تغيير قيم في مجتمعاتنا قد نندم علي تغيرها او اننا علي الاقل نغفل عن استخدامنا لتغيرها بينما نبهت عند تفهم فعلتنا فيها فيما بعد.........اقل شيء سيحدث ان قوس قزح سيفقد جماله و براءته /و سيكون له معني لاختيار جنسي نعتبره حتي الان في ثقافتنا الشرقية امر شاذ.......

- اعتبار المثلية او الشذوذ من الاطار الطبيعي يمنع بحث الظاهرة كاضطراب نفسي .......و هذه ضريبة اتخاذ قرار سياسي في ظاهرة فيها تغير او اضطراب سلوكي .

- سؤال بجد ........لو حصل اتفجر النائب العام وسط العاصمة الامريكية او الانجليزية و هو رايح شغله ..........حد منهم حيكلمنا عن الاجراءات العرفية و حقوق الانسان او حتي الحيوان ............؟؟؟؟؟؟؟؟؟؟؟

- كل واحد مجرم اصيل في نفسه يشعر الان ان الحرب سجال و ان كل ده عادي و تضحيات مقبولة في سبيل عمك مرسي و الاخوان و الدولة الاسلامية المزعومة .........واجه نفسك لو بتفكر كده انت مجرم ......ابحث عن ذاتك و اعرفها .

- مرة كان في واحد اسمه احمد المغير ...........و مرة كمان في ناس شكلها و كأنهم محترم و شهادات و كارير مهني و ماشية وراه ووراء تفسيراته ........؟؟؟؟؟؟؟؟!!!!!!!!!..........يا بني اصحي و استيقظ يا بني منك له .

- يا جماعة سيبوا اللي عايز يفجر يفجر علشان بتوع العفو الدولية ، و حكوك ام البني ادمين ..........

-  اللهم إني أدعوك الله، وأدعوك الرحمن، وأدعوك البر الرحيم،
وأدعوك بأسمائك الحسنى كلها ما علمت منها وما لم أعلم،
أن تغفر لي، وترحمني
اللهم احفظ مصر و شعبها و احفظ جيشها
و انصرنا علي الاعداء و الظالمين .

-  لكل اهبل يقول كلمة تفت في عزيمة المصرين او وقوفهم صف واحد مع جيش مصر الوطني العظيم امام الارهاب و داعش و الاخوان ........و كل واحد اهبل منه بيقول اصل ده التمن اللي لازم يدفعه الشعب المصري الذي اختار حريته ...........، اقول له يا اخي اخرس شوية


- علي العموم هو سينا او جزء من سينا حتة حلوة للبداية كدولة لكل الاطراف .........من حمساوين و لا داعشين و لا خري اخوان بيساعدوهم .......الاسلحة الثقيلة مش جريمة تار ........دي حرب و لازم نشوف الحقيقة .

-  علشان يهزك يعمل طيب و يعمل بيتقتل ..........امال الاسلحة الثقيلة المستخدمة اليوم ضد الجيش المصري جت منين ؟؟؟؟؟؟؟ .............

-  العبيط هو من يفهم ان الدفاع عن الوطن و الحرب في سبيل تأمين ارض الوطن عنف ؟؟؟؟؟؟؟؟؟؟؟..............المشكلة يا عيني ان العبيط ده و امثاله بيرفضوا بيقفوا يحيوا العلم ...........طب حنعمل لك ايه مفاهيم مغلوطة و مشكلة تعليم و تربية ؟؟؟؟؟؟؟؟؟

-  البعض عقيدته و ايمانه بوطنه مهزوز و يقوم باسقاط اهتزازه و كونه خفيف في الشخصية و المباديء علي الاخرين ...................ببساطة كل مصري مؤمن بالله و محب لبلده يعرف كيف يخدم بلده و يضحي من اجلها .........

-  سيبك انت ، اصل انت مش فاهم الجيش لما راح رفح علشان يقفل الانفاق كسر البيوت و قتل المواطنين في رفح .........قام المواطنين طبعا انتقموا من الجيش .......كلام معقول برضه ..........بس المشكلة ان المواطنين دول جهزوا جيش صغير من 300 واحد علي الاقل و اشتروا اسلحة ثقيلة لا تشتريها الا الدول و الاهم انهم كمان اتدربوا عليها و عملوا خطط متوازية لضرب الجيش في 1 يولية اللي قبله بيوم كان بالصدفة او بالترتيب اغتيال النائب العام ...........سهل الواحد يجيب مسدس بس صعب يتدرب عليه لواحده ، طب و الاسلحة الثقيلة و التدريب عليها طب و التخطيط طب و القدرة العسكرية ................بلاش غفلة مواطنين ايه و تار ايه و كلام فارغ ايه ، ،،،،،،،يا فيها مخابرات و فلوس و دول بتشتري و بتدرب و بتدي الخطط و الخرائط يا ندخل ننام و ما نصحاش تاني من الهبل اننا نصدق قصص وهمية .

-   هي النقابة مش بالانتخابات ؟؟؟؟؟؟......ومن حق اي طبيب يترشح ..........غالبا لما اساتذة الجامعة لقوا ان المنافسين من الوزارة سيحصدون المقاعد في النقابة ........طلعوا بحكاية ما حدش يرشح نفسه من التنفيذين بالوزارة ........مش كده و لا ايه ........من حق اي طبيب يترشح للنقابة و للاطباء الناخبين اختياره من عدمه .

-  اظرف شيء في تحليلات الجماعة و اللي بيحترموهم
ان السلاح المستخدم من الارهابين مسئولية وجوده في يد الارهاب فقط حرس الحدود و المخابرات .................حنرمي كل حاجة علي حرس الحدود و المخابرات و نطلع الخونة و القتلة براءة علشان عيون الجماعة و مرسي !!!!!!!!!.......ماشي حنحاسبهم بس ممكن يبطلوا خيانة شوية و تعامل مع الدول بالمال و السلاح و التدريب علي السلاح و قتل المصريين .......يعني شوية مجهود من عندكم مش وحش برضه.

- اشعقول تموتوا الارهابين اللي باعتينهم يقتلوكوا و يستولوا علي الشيخ زايد ........ينفع كده .......دي ‫#‏قوة_مفرطة

- عندما تسمع تعبير "قوة مفرطة" عن ما حدث في حالة الدفاع عن البلد ...........تعرف ان الاخوان و اللي بيحترموهم و الجزيرة و قطر لها تعريفات اخري عن السلمية و الاعتصام ..........زمبؤلك كده / اصل الارهابين كانوا سلمين و معتصمين قدام الكمائن العسكرية ، !!!!!!!!!!! كان لهم طلبات فئوية و كده .

-  الجلاد في لحظة صدق مع البانجو بيقول / انه صرصار و الناس كلها صراصير ؟؟؟؟؟............مش معني انك منافق ان كل الناس منافقين ، مش معني انك بتشوف القوة في السلطة و الفلوس اللي بتقبضها و بس في مقابل رأي بتقوله مش مقتنع بيه ...........ده مش معناه ان كل الناس كده ، في ناس لا قبضت ولا استفادت حاجة من السلطة وكمان بتضحي بجهدها وعمرها علشان حبها للبلد ........اللي بيبيع نفسه لرأي مش مقتنع بيه هو بس
اللي صرصار ........

-  بعد رابعة يقولك علي العمليات الارهابية اصل الصعايدة اللي كانوا في رابعة و ماتوا اهاليهم بتاخد بالتار من الحكومة ، و في سينا يقولك اصل دول مش الارهابين دول اهل سينا اللي لهم ولاد ماتوا في تمشيط الانفاق .............الواحد خايف من كتر ما الموضوع بقي تار و عادات اجتماعية بالية ان الاخوان يطلعوا علينا و يقولوا لنا ان الموضوع كله انهم كانوا رافضين سياسة الاعلام في موضوع تنظيم الاسرة ..............حاجة غلب بجد.

-  قراءة في واقع التغيير
حزب الكنبة هو اللي بيصرف و بيتصرف في البلد تبعا لقوة المال و حكمة العلم و الايام و السن ............الامل لما يموت حزب الكنبة و يورثه الشباب ............و يتحولوا الي روح جديدة ..........لحزب الكنبة برضه .........ELKANBA HAS NO END

ببساطة المصريون عرفوا يفرقوا بين محاربة الفساد و بين القضاء علي خبرات مؤسسات الدولة ...........في دول تانية بدعوي الحرب علي الفساد هدمت مؤسساتها و فقدت خبراتها و بتبتدي تعمل مؤسسات من الصفر .........طبعا مش عارفة و اصبحت العوبة في ايد من هب و دب .

-   1000 كلمة من الانتقاد او المديح لا تساوي شيء امام واقع العمل المخلص الجاد ............

-   الهري ليس له نهاية ولا فايدة...... ناس بتشير مصادر من مواقع مضروبة علشان تثبت ووجهة نظرها و ناس تانية اتهبلت بتفرح في الموت ورابطة الموت بالعقاب الالهي!!!!!!!،،،، و كمان رابطينه بعم مرسي،،،،،،،، يعني بس الوفاة يوم الجمعة في العشر الاواخر من رمضان حاجة وحشة!!!!!،،،الله اعلم و ربما يرحم الجميع و كفاية هري.

-  طول ما المال مال عام و الحكومة هي اللي بتحدد المرتبات الاعلي و الادني .......ماحدش يفضل يقول لنا مؤسسات مستقلة ........المؤسسات المستقلة مستقلة ماديا ............

-  هو اللي فجر القنبلة في القنصلية الايطالية اليوم كان فاكر نفسه عمر المختار و كان فاكر مصر هي ليبيا ؟؟؟؟...........و اكيد اللي باعته فاكر نفسه مخرج العقاد ......فيلم و لا ليه اي لزمه غير انه القتل و الاصابات لابرياء مش اطراف اصلا و لا يقدروا يغيروا شيء ........يعني عملية فاشلة مع مزيد من الكره و عدم التعاطف لاخواننا او اللي بيحترموهم او اللي فاكرين داعش حتنقذهم ......

-  سيسطر التاريخ ان العرب في عصرنا تقدموا في صناعة الشيشة و ابدعوا فيها .............و الملتزمون منهم تفننوا في صناعة القنابل المنزلية و في تفجير انفسهم ......

-  الرجل المحنك : هو الانسان العاقل الذي وهبه الله الفطنة ليتفهم ما مر به من التجارب و تعلم منها و اصبح لعلمه و تجاربه و مشاهدته لتجارب الاخرين حكمة و بعد نظر و قدرة علي التعامل مع الامور الفجائية التي ليست ذلك بالنسبة له ، و التعامل مع الامور المستقبلية لقدراته في التخطيط و فهم ما حوله و توقع احتياجاته ، و التعامل مع مشاكل الواقع المزمنة لما رأي لها من حلول في اماكن مشابهة او في خياله عند تأملها مسبقا ................الرجل المحنك برغم كل هذا يكون في مجال معين طب او هندسة او محاماة او عسكرية او سياسة او الدين و الشريعة ................لا يمكن حل المشاكل المزمنة و المتراكمة المعقدة الا بالحنكة و التجربة ، للاسف الحماس وحده لا يكفي .......يكفي لادارة عجلة العمل و لكن لا يكفي للحل .

-  حلا لمشاكل الاطباء و مرتباتهم و حقوقهم
الطبيب حريت مذاكرة و كلية الطب موضوع اكبر من اننا نشرح صعوبته اصلا في المذاكرة و مش حيفرق و طالب الطب و هو بيدرس الطب يدرس كلية حلوة كده انتساب و لا حتي حضور ، اه يبقي يزود سنة من سنوات الدراسة ...........و ينتهي به الامر الي مهنة سامية انسانية حلو كده ، و كلية بقي علي ذوقه يشتغل بيها و حاجة تسنده علي الزمن ...........اما بالنسبة لقدامي الاطباء فيمكن ادخالهم في برامج تأهيلية تناسب قدراتهم .................!!!!!!!!!!!!!!!!!!!!!

-  ماسكين شباب مسيحين بيوزعوا تمر علي الناس في الافطار...... قال ايه بيبشروا.... يعني اي عمل طيب يقابل بظنون ..... و لما الشباب المسيحي كان بيحمي المصلين في الميدان كنا بنصوره و نفتخر بالصورة ليه!!!!! و لما راح الشباب المسلم يحمي الكنائس في الاعتداء عليها بعد الثورة كان دعوة للاسلام و ازدراء و لا كل ده اخوة و حب و احترام...... ماتكرهوش الشباب في كل خطوة تعامل حلوة ما توصلوش لهم الانفصال النفسي و الاجتماعي عن مواطنيهم......و اخيرا بقي اللي مقدم فيهم تهمة التبشير و مجرجرهم في النيابة و كفالة وكده اتبشر و لا عادي بنعمل تصرفات غريبة و خلاص.

-  انا مش فاهم منتظرين ايه من شيوخ بيعملوا ادعيتهم رنات بفلوس!!!!!!........الله يرحم الشعراوي و الغزالي و الباقوري وعطية صقر و كل الشيوخ المحترميين.

-  ‫#‏تحت_السيطرة
اختلاف وجهات نظر اطباء نفسين بين الترحيب و النقد للمسلسل ....راجع لاختلاف تناولهم لعلاج اضطراب الادمان .........لاشك ان برنامج علاج الادمان عن طريق زمالة ال 12 خطوة هو احد البرامج العلاجية الناجحة / و لكن هناك برامج اخري ناجحة و اكثر نجاحا لعلاج الادمان مثل برامج العلاج السلوكي المعرفي و برامج ادارة المواقف الطارئة و تعزيز الدور المجتمعي و التفتح الذهني و العلاج بالتحفيز .............الاهم هو ان المسلسل اظهر الادمان كمرض و له اعراض و علاج .........و يمكن انتاج ادوات فنية اخري تتبني البرامج العلاجية المختلفة لمزيد من الوعي و التقدم للمساعدة و العلاج .

-  ‫#‏عالم_تاني
الواحد قلقان بقاله مده من ساعة رمضان و العيد و الاحداث و الي حصل في تونس و الكويت و عند السفارة الايطالية ..........بس بجد كل ده كوم و ايه اللي حصل مع الملكة " جودا اكبر " .........يا تري حتيجي افتتاح قناة السويس !!!!!!!

-  ثورة يوليو او عبد الناصر لو عايزين نختزلها فيها الكويس و فيها الوحش............. الحقيقة ان من ينتقدها لدرجة السخرية و برؤية السئ فيها لا هم و لا كان اهلهم من ابناء طبقة برجوازية و لا حتي طبقة متوسطة....... نعم علينا الانتقاد لنري الفعل و السياق و نفهم ارادة السابقين و نواياهم للتغيير لتحقيق احلام العدالة الاجتماعية لجيل سابق.... .... و نتعلم من اخطاء الشمولية و الاستباقية في الاحلام و نفاق الجماهير و هدم الرموز العلمية و القضائية.... ....... ثورة يوليو غيرت في الافكار و الطبقات و حتي في اللبس و التصرفات اليوميةو هي لا تتحمل كل خيبة الامل التي كثير من اسبابها البعد عن فكر العدالة الاجتماعية و الانفتاح و ما تلاه.........فهذا جيل فات غير في اخلاص،،، فلنري كيف سنغير نحن و في اخلاص و بدون اخطاؤه او اخطائنا!!!!!!!!!!

-  بيقولك المماليك في مذكراتهم بيقولوا..... القرن ال19 و ما ادراك ما القرن ال19 بيلقحوا كلام علي محمد علي الوالي الظالم و مذبحة القلعة.!!!!!

- تفتكر لو مصر كانت في اسيا او امريكا اللاتينية كانت حتمر عليها نفس الاحباطات او التحديات.........؟؟؟

- لا احد يقول لك كن نسخة من عصور سابقة .........و لكن الامر يشوبه الكثير من التحامل و الاخطاء ان تحاكم افعال السابقين من وجهة نظر عصرك ...........

-  يعني المكبوسين ساكتين.......ها بتجهزوا كلام تقولوه و لا نراجع روحنا و نمشي مع الناس اللي عايزة تبني بدل شغل الضحية و انكار الارهاب اللي مالي الدنيا و انكار و التهبيط من العزيمة في اي عمل و امل......... مبروك لمصر قناة السويس الجديدة و ربنا يهدي و يؤلف بين القلوب لغد افضل و امل و كرامة.

-  يا تري حيدوا منحة لبكار في امريكا يدرس ايه...... من غير مانعرف...... يا فن هدم الدول بالمظاهرات او عن طريق حقوق الانسان....

-  الاقتباس الاحترافي بداية التطوير و التنوير للمجتمعات النامية..... الملكية الفكرية احتكار و اكذوبة لاستمرار الغلبة و التحكم.

-  توبوا الي الله و اللا حفضحكم بالسيديهات ...............مرتضي منصور و تجديد الخطاب الديني LOL

-  وزارة الاوقاف
في حال القبض علي وجدي غنيم ..........كان لابد من وجود من يمليء ام فراغه ،،،،مرتضي منصور .......

-  بيقولك جميلة اسماعيل عايزة تساوي الاطباء بوكلاء النيابة و ظباط الجيش و الشرطة...... طالما حنحلم بقي و نطالب انا كنت عايز اساوي الاطباء باعلاميي الفضائيات!!!!!!!!!

-  احلي حاجة تقعد تتفرج و تقسم بقي ده صح و ده غلط.... المتاجرة بالمشاكل للظهور كاصحاب راي او حلالي المشاكل كان في زمن حل المشاكل باصدار الاوامر، زمن الامارة انتهي.. خليك جدع و اشتغل و اقترح حلول و اقنع الاخرين بها و حاول تنفذها و ما تزعلش لو نفذوها..... مش لازم تكون البطل المهم الاخلاص في العمل فكرا و تنفيذا.

-  تجربة تجديد الرقم القومي ممكن تساعدك في فقدان تلت وزنك في يوم واحد........ المشكلة بس انها كل سبعة سنوات.......ايه اللي بيحصل في السجل المدني من زحمة و خنقة ده.... المستحيل!!!!!!!

-  الموضوع مش اعتراض علي الراقصة و تكريمها .. لكن الموضوع موضوع اولويات.... يعني بيتهيالي كده محتاجين نكرم عالم او عامل مخلص او جندي علي الحدود او فلاح طالع عينه في الحر.......كده يعني.

-  الاصعب من مخالفة الفضائل انكارها و اتهامها بانها من اسباب التخلف.

-  المشكلة مشكلة ثقافة................
و ثقافة يعني تعليم و تربية و رياضة و فن و اداب و اعلام

-  عايز تخلي الناس تعيش جوه الحيط ..........يعني ممكن .......بس عايزين خدمات طرق و تعليم و صحة و امن و غيره .......جوه الحيط .

-  درس زيزو ............لمرتضي منصور
لازال الادب و الاخلاق و عدم التورط في كلمات خارجة ( لياقة الكلام )..........لازالت تهزم و تكون اعلي من اي وقاحة و بجاحة و تخويف بالبلطجة الكلامية .
تحية لكابتن زيزو

-  بيقولك اصلهم طابور خامس .......ياريت حتي بيعرفوا يقفوا طابور!!!!!!!!!!!!!!!!

-  الحب سبب الغيرة و النقد .........من يحب لا يري فقط حبه اجمل شيء في الدنيا ،بل ان نضجه في الحب يجعله يريد حبه بلا نواقص و ان انتقده ............

-  هو مين فخرية دي اللي عماله توزع في الدكتوراهات كده !!!!!!

-  الناس اللي مش عاجبها صفر الطب الشرعي........ كلمة زيادة و انتم عارفين اخدتوا شهادتكم ازاي....... الطب الشرعي حيطلعكم مزورين شهادة الحضانة......... الصفر ليس اخر منتجاتنا........الابداع ليس له نهاية!!!!!!!!!!!!!

-  واحد بيقولك هل كان الاخوة الاقباط سيتعاطفون مع مشكلة مريم لو كانت مسلمة !!!!!!!!!!!................انا شخصيا صعبان عليا الطب الشرعي LOL

-  ما هو مش معقول بعد كل الحر ده ما يببقاش في حاجة تفتح النفس ............يعني كيلو موز او كيس جوافة او حتة شيكولاتية .........او حتي اكتشاف احد اكبر حقول الغاز الطبيعي ...........مبروك علي مصر

-  المصنفون كطيبين في كثير من الاحيان ..........هم من لم يجدوا فرصة لاظهار شرهم .......حاجة تعل بصراحة !!!!!!!!!

-  ياتري لو طلعت لنا اجنحة لنحلق بها ..........كام واحد منا حيقصهم لغيره و لنفسه من الخوف او الشعور بالعيب او فرض الوصاية او لان اهالينا ما كانوش كده او ان الطيران حرام اصلا !!!!!!!!!!!!

-  انبل الاشخاص ذو اللمحات الانسانية ......قصة الشعر الصفراء ......كلبه صديقه الوفي ........انه انبلهم "تان تان "..........

-  لو مصر حتنضف من الفساد يبقي التاريخ حيكتب علي ما حدث ثورة .......و اتمني ان يكتب انها ثورة بالف ثورة ......لا فساد و لا احتكار .........

-  مشكلة الطيبون انهم يحكون في المحكي و يظنون ان الفساد سيقف بالوعظ ........دي مصالح يا استاذي ......لابد من تطوير اليات محاربة الفساد و الاحتكار .

-  انا اعرف المحافظ اللي يقول للطبيب شيل ايدك من جيبك يكون لابس بدلة و كرافت علشان يقول كده .......و طبعا علشان يلبس بدلة و كرافت و يدوبهم في عرق العافية و المتابعة و اللف كل يوم في الحر يقولنا هو بيجيب فلوس البدل و الكرافتات منين ..........ما هو يا يتعدلوا ويتكلموا كويس و يحترموا الاطباء اللي سهرانين و بيضحوا علشان المرضي و علاجهم ......يا ناخد باقي حقنا مسخرة عليهم .........حط ايدك في جيب البدلة يا حضرة المحافظ !!!!!!!

-  وزارة الصحة هي الوزارة التي يحصل فيها الاستاذ دكتور علي ضعيف !!!!!!!!

-  هو مفروض المحافظ ممكن يكبس علي الطبيب و مريضه اثناء الكشف الطبي..... قال ايه تفتيش؟؟؟؟؟؟......... بلاش كلام فارغ

-  هو بصراحة الصح في موضوع الطبيب و المحافظ ان الدكتور كان حط ايد في جيب و ساب الايد التانية من غير جيب....... و ده حل وسط لارضاء جميع الاطراف LOL

-  الوضع الطبيعي للتذكرة / يدخل المحافظ و من معه للعيادات الخارجية بالمستشفي و يتم سؤال المرضي و التمريض و افراد الاستقبال و الامن عن سير العمل بالعيادات الخارجية و يرصد لو ف مخالفات او اعمال تستحق التقدير في المبني او شكاوي المرضي فعليا / يطلب المحافظ الدخول علي احد العيادات و يتم استئذان الطبيب المعالج بالعيادة و استئذان المريض..... . عرفنا بقي الوضع و الاليات الطبيعية...... ده شوية شوية المحافظ حيدخل علي العيان ف حجرة العمليات او السيدات ف كشك الولادة.. . و يقولك اصله المحافظ.. و الطبيب ما سابش اللي ف ايده علشان يسلم عليه........!!!!!!

-  التغير حتمي ولكن عليك ان تختار بين ان يصدئ وجه مستعار او ان يشيخ وجه حقيقي.....

-  - الطبقية المجحفة في المجتمع هي التطبيق العملي للاستثناءات ..........

-  "الضمير" غالبا ما يكون في تلاجة "التبرير" او فريزر "الانكار "

-  الاغاني الجديدة لا تزعجني لانها تقدم منتهي "التجريد " فالنغمة معروفة و متكررة و الحركة معها معروفة و متكررة .........و لكن ما يزعجني فعلا ان هناك بعض الكلام المسجوع .........ليه ما يستبدلهوش بكلمة واحدة متكررة زي " اديك "..او حتي حرف واحد " أأأأأأأأ"........و بالفعل هذا منتهي التجريد لتقديم اغنية يرقص عليها الناس بدون لحن و كلام ولا رقص ..........المهم "التجرد ".......بس من غير تجرد من الملابس .

-   اذا كان لهم تاريخ اسود من " التأمر "........فنحن لنا تاريخ اسود من " التخاذل و الانهزامية و الكسل "..........!!!!!!!!!!

-  في اختيار الوزراء المشكلة ليس انه مؤهل او ذو خبرة ........المشكلة انها اول مرة حيبقي وزير ........المشكلة هل حيعرف يؤدي كوزير " تخطيط و رؤية و تنفيذ و متابعة و مظهر و حركات و رضاء شعبي ".........علي الاقل يحكي لنا او يحكي لهم عن رؤيته و خططه و طرق و زمن تنفيذها ومتابعتها.........اماعن الحركات و المظهر ده مسئولية ديوان الوزارة ........و بالنسبة للرضاء الشعبي الله وكيله .....

-  عندما اسمع عن الدبلومة التي تؤهل في سنة او اقل الانسان ليكون "استشاري صحة نفسية "
اتذكر بيت الشعر ........بما اني من بقايا الاجيال التي تستشهد بالشعر و كده
ألقاب مملكة في غير موضعها=كالهر يحكي انتفاخا صولة الأسد

-  مش فاهم ايه الناس اللي عماله تهاجم في الوزارة و هي لسه اصلا ما ابتدتش
ايه يعني واحد يتهرب من الضرايب و لاالتاني غلطان في الاملاء و لا التالت شايف ان رصف الشوارع حيعمل حوادث اكتر
اولا لازم نحط احتمال ان الكلام ده مش صحيح /و لو صحيح الانسان بيتغير مع الوزارة و خاصة بعد سن الستين بيكون التغيير في رؤيته و اداؤه وارد !!!!!!!!!


- اوقع تهنئة للوزراء كانت ......good luck >>>>>حظ سعيد ؟؟؟؟؟؟.......علي اساس اننابنلعب طاولة.

-  خبثاء الفساد في كل وزارة يبتسمون من حماس الوزير الجديد في تطوير المنظومة !!!!!!!!!!!!!!!

- " سيبه ينظم و يعمل اللي هو عايزه ........و احنا حنظبط شغلنا علي مقاسه" ........تعليق الفساد بالوزارة علي الوزير الجديد المتحمس .

-  اهم خطوة للفساد مع الوزير الجديد المتحمس انهم يجعلوه يعتقد انه من الكافي احضار مجموعة من المستشارين له من مكان عمله الاصلي او معارفه ليكونوا عينه في الوزارة ، بينما يظل رجال الوزارة العالمين بدخانقها في مكانهم .........بالطبع لا الوزير و لا مستشاريه حيشوفوا حاجة ، ده غير انهم بيطمعوه انه يديرهامعارف وواسطة وثقة من اولها !!!!!!!!!!!

-  افتقاد تحقيق الذات مع تعمية الثقافة الذكورية ........يجعلك تفرح و لو بتولي 3 سيدات للوزارة ......؟؟؟؟؟؟؟؟

-  هو ممكن واحد بيغلط في الاملاء يبقي وزير تعليم و له رؤية ؟؟؟؟
اووومال يا بني ....انت مش فاكر الحاج عبد الغفور البرعي لما اشتري الطيارة خردة و باعها و كسب فيها.


- اكبر مشكلة يقع فيها المجاهدون في سبيل قضية معينة ...........انهم بمرور الزمن يتحولون الي متاجرين بالقضية و مكاسبهم الشخصية من استمرارها و قيامهم بدور المجاهدين فيها ...............!!!!!!!!!!!!

- لما تكون لقمتنا و سلاحنا بايدينا ...............نبقي نتكلم عن الاقصي و فلسطين ..........الامور لا تحلها الصدفة و علينا اتباع سنن الله في خلقه ليوفقنا .

-   الناس اللي مشيرة صورة عيلة بتصلي جنب بعض رجالة و ستات و زعلانين قوي و بيقولوا هكذا وصل الحال في مصر ....................لازم نعرف ان تصوير الناس بدون اذن تجسس و اختراق لحياتهم الشخصية و تشهير بهم و سخرية ..........و حتي ان كان في الامر خطأ فلا يعالج بخطأ اكبر منه !!!!!!!!!...........اما عن الخطأ الذي يسخرون منه ( و يقولون الاسلام الوسطي ) ففي الغالب المسئول عنه اصحاب الثقافة الدينية السائدة في المجتمع المصري التي تمتد لتأثير ثقافة دينية لاكثر من 20 سنة سابقة و هي بالطبع ليست ثقافة الاسلام الوسطي التي يتبناها الازهر ،،،،،،،و لكنها الثقافة السائدة من جماعة الاخوان التي سيطرت علي النقابات و الجوامع الا من رحم و من مشايخ القنوات الفضائية الذين يقدمون برامجهم الدينية و شريط الاعلانات للعقارات و الزواج و علاج سقوط الشعر عليها ،،و الذين استخدموا ادعيتهم و باعوها كرنات لموبيل ......هذه هي الثقافة ....

-  اتقي شر من احسنت اليه بمزيد من الاحسان اليه ........

-  هناك دائما من يري افضل ........ليس فقط في امر النظارة طبية او بدونها .........عليك دائما تقييم و مراجعة رؤيتك .

-  هو نظام التعليم في مصر مش حنصرف عليه شوية!!!!!

- لما يطلب منك كطبيب في السيرة الذاتية انك تظهر الاعمال " التطوعية "التي اشتغلت فيها........ما تنساش تكتب انك "اشتغلت في وزارة الصحة " "بولد "............

-  ثقافة الاستهلاك خلتنا نصدق ان ممكن الحرية نشتريها بالاعتماد علي الغرب و حقوق انسانياته...... و اخيرا في ناس صدقت اننا ممكن نحل مشكلة حرب اهلية في بلد عربي عن طريق مش بس استهلاك الغرب لا و شرق روسيا و الصين.........

-  ٦ اكتوبر ٧٣.....ذكري للنصر و فرحة نريدها ان تتجدد بكل قيمها و مبادئها و عملها المخلص المبدع ليس في الحرب العسكرية فقط و لكن في الاقتصاد و الصناعة و الزراعة و التعليم و الصحة....... مصر تحتاج للمخلصين دائما

-  ماذا لو سألنا الشعب العراقي عن ديكتاتورية صدام و ديمقراطية الاحتلال ...............و لا انت مش واخد بالك ان العراق محتلة ، ما فيش ديمقراطية و لا ارادة شعبية مع الاحتلال ........

-  بس اعرف ايه علاقة البوز بالسلفي......!!!!!

-  قعدوا يتفاتكوا و يعملوا فوضي خلاقة و حروب الجيل الرابع و بعدين الظاهر حتقفش منهم و تقلب بحرب عالمية........ ماكنتوا ماشين حلو و مقضينها لازم الطمع.....

-  من عشر سنوات كان علاج ادمان الهيروين بكبسولة وهمية....... دلوقتي علاج ادمان الترامادول ببورشور وهمي برضه!!!!!!.... ابداع و تطور برضه...وهمي.

-  ياتري لو امريكا راحت ف الوبا روسيا حتعطف علينا... طب لو روسيا راحت الصين مش حتطمع فينا... طب لو الصين انتهت المانيا الطيبة بتاعة اللاجئين و لا اليابان الغلبانة اللي مقصقصين جيشها حتعمل ايه معانا......الموضوع فينا احنا، مافيش حد حيدينا اكتر من اللي نقدر بقوتنا و انتاجنا و اقتصادنا و صناعتنا ناخده....الدول مش بتعطف و لا بتحارب صدقة....

-  اسهل شيء في محاربة الفساد هو شخصنته / و كأن ازاحة الاشخاص فقط سيوقف الفساد ........الفساد اليات و لا تحارب او توقف الا باليات ......

- اكترحاجة ازعجتني و زعلت منها قوي في الاجازة لمصر المرةدي .......ان محمد فؤاد يغني "far away " ل ديمس روسس / و حسين الجسمي يغني "اما براوة" لنجاة .........يا اخي حرام عليك انت و هو .....

- 
التجاوب بسلبية احد اهم مؤشرات مآال الامور لغير اصحابها و تصدي غير المؤهلين للمهام........

-  هل يمكن ان نصدق ان عشرة افلام سببوا انهيار اخلاقي....... زمان لزقوها ف مدرسة المشاغبين ثم العيال كبرت........طب اعمل حوش ف المدرسة طب ساحة رياضية و حديقة ف كل مربع سكني.... طب ممكن موسيقي و مكتبة و تشجيع علي القراية و الفن التشكيلي في المدارس..... طب هو نظام النشاط الطلابي للهوايات و الاسر و تكوين الكوادر ايه في الجامعات و ايه نظام الكتب المجانية و المعسكرات الثقافية الصيفية لوزارة الثقافة و التعليم .......اسكت و بلاش خبل و هبل سبكي ايه و بتاع ايه يامقصر يا بن المقصرة....... بلافشل و كلام فارغ و خروج عن الموضوعية.

-  فاكرين زمان في افلام الابيض و اسود كان الابطال ببحبوا بعض عند تقفيصة الفراخ.... سيبك من الحب و الابطال و الافلام. هو ليه كل بيت يتبني جديد ما يبقاش فيه حديقة تايعة ليه لاهل البيت لتربية عدد بسيط من الفراخ و الارانب و زراعة بعض الزهور او الخضار الخاص بيهم....... صعب مش كده مع اننا كلنا شفنا اعظم ناس ف انجلترا ف تقاعدهم عندهم هواية تقليم و العناية بحديقتهم.... ايه الصعب ف ان يبقي ف حديقة تابعة لكل بيت و يمر عليهم المهندس الزراعي و الطبيب البيطري للارشاد و يكون كل مائة حديقة مع طبيب بيطري.... منه الناس ترجع تنتج و تاكل من ايديها و الاطباء البيطرين و الزراعين يلاقوا دخل كويس......و يمكن الناس ترجع بالالوان تحب بعض.

-  لما تكون فاضي من جوه .........تنبهر شرقا و غربا ......فين الهوية يا استاذ .......هوية العربية حتي !!!!!!!!!

-  اللي فهمته ان الشطارة في التمثيل السينمائي مش انك تمثل ادوار مختلفة ......لا ان لما يتم تقديم افكار ممثلة في برنامج تطلع نفس الادوار ......اتاريها مش بتمثل ........بتتصرف بطبيعتها عادي .



-  تطور اهل الثقة
average
below average
low profile
below low profile
wait for idiot ..............!!!!!!!!

-  ‫#‏فلسطين
هل من يلقي حجرة علي الاحتلال متطرف ارهابي !!!!!!!!
يعيبون علينا التضحية و الجهاد من اجل اوطاننا ........و تحمل افلامهم التضحية و الفداء من اجل ملك الخواتم و قوي الشر .......اعتبرونا "جولم" اهو بني ادم و له حق في تحرير وطنه من المحتل ........

- قمة التهريج و الفكاهة هو التهريج الجاد ......و ممكن لو تحول التهريج لمجرد التهريج يفقد معناه ..........هو ده المغزي من برنامج مثل برامج احمد موسي .......ده لو حب يهرج حيفشل في التهريج / خليه كده و متحرموناش من الضحكة التلقائية .


أعلى النموذج

أسفل النموذج





أعلى النموذج

ليست هناك تعليقات: