الأحد، 24 مايو، 2015

كلمات عن الثورة – 38


- السياحة معناها ان تقدم مصر "خدمة" جيدة ...................مش تبقي "خدامة " لونة ..................المشكلة ان الاعلان كان عايز يعبر عن مفهوم الدفء المصري اللي حيشعر به السائح العربي ، قلبت برقص و نظرات .........معلش اصل الفن زي غيره بالواسطة و اختيار الادني لاداء المهام فلازم النتائج تكون مضحكة !!!!!!!!!!

- بغض النظر و الاخوان و اصطيادهم في المية العكرة ...........لكن الاعلانات للسياحة لازم لها طريقة ارقي من كده ........هي يا دولي شاهين يا نظرات و حركات ........ما تعلموهم الاعلان يمكن يبقي في نتائج افضل !!!!!!!!!

- سعر الدولار حيفضل يرتفع طول ما فيش انتاج و ما فيش تعامل حقيقي مع الفساد و الاحتكار ...............

- يلسنون عن الحما و مشاكلها .......و يصمتون عن ام الزوج و ام الزوجة الام الحنونة المربية الفاضلة المساندة لاسرة ابنها او بنتها ............. شكرا لكل ام عظيمة و ربنا يخليهم .

- رسالة لكل مسئول اسكندراني محافظ ............الهدف من وظيفتك مش حب الناس ، الهدف هو ان تقوم بوظيفتك علي اتم وجه لتحسين احوال الاسكندرية المنهارة ( علي الاقل الكورنيش و امتداد شارعين موازيين له )...........و لو الهدف من وظيفتك حب الناس ، الناس حتحبك فعلا لو عرفت تحسن ، لكن رفع الاثقال و الاهتمام بتسريحة الشعر شيء كويس و لكن مش حياكل مع الناس ............

- اسوأ شيء في "الغرور" انه يوهمك ان ما يغرك "كاف " بل "عظيم " .......و هنا يتوقف العمل و العطاء و الاخلاص و اي عمل نبيل .........

- اذا كانت السياحة سبب لخروج مصر من ازمتها الاقتصادية فده يحتاج لترتيب و تثقيف للشعب في التعامل من اول الاعلام و المدارس و توعية الاسر ...........الهدف يكون زيادة عدد السياح علشان يكون هناك سائح لكل مواطن في السنة ........توزيع دخل السياحة بعدالة اجتماعية ترضي المستثمر و تكفي العاملين و تدفع حق الدولة .............الحلول معروفة و خبراء السياحة موجودين يطوروها و نبطل فتي و تمثيل قال يعني بنفهم في السياحة .
- - الانسان ملازم لنفسه طوال الوقت مما يجعله يظن في بعض الاوقات انه مركز الكون - فتواضع و انظر للبشر و الكائنات حولك و تواصل مع الله لتعرف قدرك الحقيقي.

- مهما اهانك الاخرون ، مهما شعرت انك لاشيء او اقل مما تريد في مجتمعك ، مهما تأكدت انك مجرد رقم في احصاء الدولة ......تذكر ان هناك من هو اهم منهم و منك ، هناك من يهتم بأعمالك و افكارك و نيتك ، و يرصدها ..........الله موجود فلا تفقد الثقة و لا الامل و تأكد ان حياتك لن تضيع و انت معه لانه هو المثمن الحقيقي لها ....

-  هم ليه بيعذبوا المحتجزين بالاقسام بالشكل ده حتي الموت .....هي المشكلة بتكون انتقام ؟؟؟ لو هو مذنب حيتعدم او يتحبس بالقضاء ........و لو مش عايز يتكلم و يقول عن ابعاد فعلته في طرق اخري للحصول علي المعلومات غير التعذيب الفظيع ده ؟؟؟؟ ..........

- العيوب تعالج بالاصلاح و لكن لن يفيدها الترك و لن يفيدها الحرق ........

- من يتعامل في ادارة مؤسسة بدون ادارة "موارد بشرية" قوية ........كمن يقود سيارة و هو مغلق العينين ...........في بلادنا العامل البشري هام و لابد من تصنيفه و معرفة مهاراته بدقة ،للاستفادة منه لانه الوقود الحقيقي و الترس الرئيسي لحركة العمل للامام ........ادارة الموارد البشرية ستصل بكل ادارة لكي تضع كل شخص مناسب في المكان المناسب و تساعد في تحقيق العدالة الوظيفية .

- في عصر الظلمات تكون البطولات الفردية و ظاهرة المنارات في كل المجال التي تحاول ان تنير بعض الطريق .........في عصور النهضة يكون العمل الجماعي و المجتمع الناجح و المتكافل و تكون مدن كاملة منيرة بالقيم و العلم ...........

-  لو كان تفكير الغرب مثلنا لاستعادوا ما صرفوه علي رحلاتهم العلمية للقمر و الفضاء ، ليس عن طريق بيع تكنولوجيا حديثة للاتصالات من موبيلات و شاشات و اشكال جديدة للطاقة و غيرها من التطبيقات .................و لكن عن طريق عمل بث مباشر لقناة " ارقص و غني " من القمر / أو بنشر فضائح رواد و رائدات الفضاء في اوضاع فضائية / او ببيع منتجات لعلاج الضعف الجنسي المصنعة بطريقة طبيعة من اثير الفضاء و تراب القمر / او دعنا ندعو لك من علي سطح القمر اسهل لك و اكسب لنا .............

- من الاخر كده بتوع المخابرات دول بياخدوك علي حجرهم ...........خليك انت في 90 % و ال 100 %...........

- هو ممكن التسريبات تبقي مضروبة ........لكن القنابل و الارهاب صعب .......الاستنتاج بالتأمل في العواقب !!!!!!!!!!!!!

- اللي يصدق ان فيه تسريبات ...........يبقي مصدق ان في حد بيغش بعد الامتحان ما خلص .............******معلومة : الناس بتغش في الامتحان مش بعد النجاح في الامتحان .!!!!!!!!!!!

-  المشكلة مش ان مرات محافظ اسكندرية بتروح معاه الشغل / المشكلة انها ازاي بتروح و تسيب شغلها ..............تفكير حكومي عتيق LOL — feeling happy.


المشكلة مش انك تقول علي حد تاني كافر 

المشكلة الكفر ده بتقصد به ايه
عايز تقول انه مختلف
عايز تقول انه مش مصدق بالي معاك
عايز تقول انك مش مصدق باللي معاه
تشتم الاخر 
تهينه 
تقلل منه و من حقوقه
تحاصره اجتماعيا
تعزله سياسيا 
تقيم عليه حد او تدبحه
تصادر امواله 
تستولي علي حريته او اختياراته 
-

كل الاديان و العقائد المختلفة افرادها كافرين في منظرهم لبعض لان علشان يبقي مؤمنين لازم يكون الدنيا عقيدة واحدة بس ........
-
الاختلاف حقيقة و حنخسر كتير لو تعاملنا علي اساس الهوية و الدين ، لازم نتعامل علي اساس الكفاءة و القدرات و الاخلاص ة الحقوق المتساوية في المجتمع و البلد اللي عايشين فيه في الدنيا ...............اما عن الاخرة فالله يفصل بين الجميع و هو القادر علي ذلك و الوحيد الذي له الحق في ذلك الفصل و الحكم ........خلونا نتعايش و نشتغل زي البني ادمين اللي دهسونا بسبب تخلفنا 

- . للي عنده مشكلة مع السلطة و التعامل معها ...حيشوف الشرطة بلطجية .
اللي عايش بالنظام الابوي .شايف ان الشرطة تحميه .
اللي خد له كام كورس في حقوق الانسان و بياخد عليهم مساعدات ...حيدور علي اخطاء الشرطة .
اللي حاول يكبر و يعرف شوية قانون و تاريخ .....حيشوف اخطاء و مزايا وجود الشرطة.
حاول ان تكون شرطي لمدة 5 دقائق في خيالك و عليك ان تمنع الجريمة و تحقق مع مجرمين و ارهابيين ........في اطار القانون و بدون اصابات .....لا منك و لا منهم .....حاول ، و قلي رأيك ليه بيعملوا اخطاء .......مجرد تفكير و ليس تبرير .

-  السلطة محتوية معناها المادي و المعنوي من المؤشرات المهمة لمعرفة معدن الانسان/ فأن اردت اختبار انسان امنحه او لاحظ تصرفاته و هو معه السلطة ، و ان اردت ان تعرف قدراته و عطاءه الحقيقي فلاحظه عندما يفقده السلطة او في لحظات المحن . ........لاحظ من حولك في تغيراتهم ، و حتلاقي احلي من اي مسلسل تركي .

- السلطة لها ثلاث شهوة ، و حمي ، و رقصة ........شهوة الحصول عليها ، و حمي التسلط ، و رقصة الموت عند فقدها .

-  "الايد اللي ما تقدرش تقطعها بوسها" .........ايه الثقافة دي .!!!!!!!!!!......طب اقنعها اتفق معاها حاورها حالفها ........هو يا قمع يا انبطاح .........؟؟؟؟؟؟؟؟؟؟؟

-  هم ليه مش بيكونوا عمليين وواقعين اكتر ............و يعملوا مركز اعداد القادة في المنوفية .........الواحد من دول ياخد الدورة و علي المنصب .

-  في التعبيرات المصرية عندك شفرات لو عارف ان اللي قدامك فاهم قصدك علي شيء معين حتقول له " البتاع " ..........و لو فاهم تفسيرك و مش عايز تكمل شرح حتقوله " و كده " ............المشكلة لا يبقي عارف و خياله مختلف عنك و تعيشوا في " البتاع اللي كده و كده "...........

-  نصيحة لكل شاب طموح ............ابتدي من المنوفية ......ما تخليش الايام تجري و تغرك زي ما حصل معانا ........


في عصر الفتن 
فجأة يتم التشكيك في كل شيء 
البخاري و مسلم احاديث مضروبة ؟؟؟؟؟
صلاح الدين الايوبي باع فلسطين في مقابل القدس و كيدا في الدولة العباسية 
حرب اكتوبر هزيمة منكرة للمصريين 
محمد علي باشا لم يبن مصر و لكن كان بيعمل حركات !!!!!!!!!
الشيخ محمد عبده افكاره تنويرية ماسونية !!!!!!!!
الخ الخ ...................مين عايز يكسر في المعنويات و الهوية المصرية للدرجة دي .


-  الواحد دلوقتي يعمل اي عملة و هو مطمئن البال .......حيلاقي اللي يدافع عنه و يطلع مبررات تبريه و لو حتي اتحكم عليه الف من حيقول القضاء كله فاسد ووحش ............انطلقوا في عوالم الغابات !!!!!!!!!!!!!!!.........مش غابة واحدة الدنيا واسعة في الغبه.

-  يقولك علي اعدام اتنفذ بعد الاعتراف و بالصوت و الصورة "اعدام وطن "...........طب بالنسبة لقنابل النهاردة اللي في كل مكان " احتفالات وطن"........!!!!!!!!!!!!

-  خلوا بالكم
"سامية شنن" ألقت ماء النار علي جثامين شهداء مركز شرطة كرداسة
في لحظة سيأتي وقت اعدامها
و حيطلع ناس يقولوا ده اعدام وطن !!!!!!!!!!!!!!


- شعار الجزيرة 

سرعة نقل الخبر .........قبل حدوثه!!!!!!!!!!!!

- اليس من حقوق الانسان ان يمشي في الشارع بدون تفجير قنابل .......رسالة لبتوع حقوق الانسان .

- التطرف سمة شخصية و ليس عقيدة و لا وجهة نظر .

- تحيا الادارة الجديدة للامن المركزي ........LOL — feeling proud.


تاوي اي الارضين 
تامري
إيرة رع أي عين الشمس
جاة أي السليمة 
إثرتي أي ذات المحرابين
كيمي اي السوداء او الخمرية 
حاـ كا ـ بتاح أي مكان الإله بتاح ذاته
كمشري ومصري في لوحة ميتانية وجدت في شمال غرب العراق وجهت إلي فرعون مصر
وردت كلمة مصرم في نص فينيقي يعود إلي أوائل الألفية الأولي ق.م. 
المعينيون في اليمن كانوا يسمونها مصر ومصري
في التوراة جاء ذكرها بمصرايم والعبريون كانوا يقولون إيرتس مصرايم
في النصوص الآرامية والسريانية مصرين
إجيبتوس Egyptus (قبطي ) أصلها كلمة يونانية
العرب أول من أطلق عليها مصر , وهذا الاسم يدل في اللغات السامية علي الحد أوالحاجز أوالسور. ويدل عن معني الحصانة والحماية والتمدن
و عند المصريين هي بهية و المحروسة و الحلوة اللي بناها حلواني
و في القرأن الكريم "وقال ادخلوا مصر إن شاء الله آمنين "
‫#‏تحيا‬-مصر

- واحد اترشح و قال في مشروع طائر نهضة و في 200 مليار استثمارات و بعدين نفي المشروع ..........التاني اترشح من غير برنامج لحل ازمة وطن راح عمل مؤتمر اقتصادي و استثمارات و مستثمرين من كل الدنيا ...........العبرة بالافعال مش بكبكة الكلام .

- هو سوريا و ليبيا مش حيبنوا عاصمة و حيبنوا البلد كلها و باستثمارات و ديون بعد اللي بيحصل ده .................الفرق ان مصر حتضيف بناء مش لازم نخربها قبل ما نبنيها ممكن نبنيها و نجيب استثمارات و نقلل درجة الديون .................الاهم اننا نشتغل و البناء حيكون لنا و لاولادنا و لمصر .

-  في السياسة لا تبحث عن الامثل لتفعله ، لان في السياسة دائما حولك اوسخ ما يمكن ليعيقك ..........فقط اختار انسب و افضل الحلول في اطار الوقت و الفرصة .

-  و لا الموءتمر نجح و لا حاجة ، و لا في مؤتمر اصلا ، ده باين فرح عند الجيران .................ايجيبشيان ستايل خمسة و خميسة

- قال يعني العلاقة بين مصر وروسيا شخصية و تتغير وتنتهي بأنتهاء بوتين او استمراره ........دي دول يا عبيط و عايزة منافذ تجارة وتحكم .......يالا ربنا يهديك يا بتاع الستينات و ما ادراك ما الستينات ......

-  واحد بيقولك مش حابب جو الستينات ده ...........علي اساس ان سيلفي سيلفي = صورة صورة صورة لعبد الحليم .....ممكن برضه ..........



ليست هناك تعليقات: