السبت، 21 فبراير، 2015

كلمات عن الثورة 37


كل شوية الناس عمالة تقولك العدل العدل .............لازم تعرفوا ان العدل جروب ده للانتاج الفني .

لما السيسي يهتم بالمعاقين ذهنيا و يفتتح دورة الالعاب الاوليمبية الخاصة بهم و يقول كلمة في حقهم ................و تلاقي الاخوان و اللي بيحبوهم مشيرين جزء من الكلام بتاعه و كأنه بيتكلم عن وجود ملايكة معاه و يقولك زمن خرافة و شعوذة و عمال يستعيذ بالله !!!!!!!!!/ و هو بيقصد عادي المدح و جبر الخاطر لهؤلاء المواطنين و اهلهم .........و تلاقي الاخواني اللي ما عندوش اي دم بصراحة بيتهم الاهالي (المبسوطة بكلام رئيس الدولة) بأنهم مغيبين !!!!!!!!!!!!!.........تبقي تعرف ان اللي بيقتطع الكلام من سياقه و في موقف زي ده لا عنده دم و لا هو انسان ........حاجة تقرف .........

الاحتفال بالمولد النبوي حرام ..........لكن انك تطلع تفتي في القناة الفضائية و امامك شريط اعلانات تجاري لاي سلعة تافهة او مقويات جنسية او عقارات وهمية حلال / انك تعمل ادعيتك رنات و تتاجر فيها و تعملها اعلانات حلال ؟؟؟؟؟؟؟؟!!!!!!!!! هو في ايه بس .


بيقولك .. هم يساعدون الفاشل حتى ينجح ونحن نحطم الناجح حتى يفشل
و ايه يعني
طب ما احنا بنجيب الفاشل و نكبره و ياخد اماكن الناجحين ( مش دي مساعدة للفاشل حتي ينجح حتي لو بالواسطة و الكوسة و الشللية و الرشوة )
،اما عن ادعاء اننا نحطم الناجح حتي يفشل .......احنا بندربه علشان نقويه ، هو يعني حيثبت نفسه عندنا حيعمل ايه ......بنوجهه الجهة الصح علشان يهج و يطفش LOL


ليه نفتكر يوم رحيل من نحبهم و تركونا، و لا نتذكر يوم ميلادهم و اسعدونا بحياتهم و حبهم .........و لا هو نكد و خلاص !!!!!!!!!!!!!

تصور لو ان المسلمين في الهجرة الاولي الي الحبشة و هم يهاجروا و يهربون بدينهم في ظل ملك و دولة تحمي حريتم في الاعتقاد " رغم اختلافها عن الاسلام " قد قاموا بتصفية احد الحبشيين في هذا الموقف و هذا العصر لانه غير مصدق في الدين الاسلامي !!!!!!!!!!!!! ...........الحقيقة انه لم يفعلها احد الا في عصرنا ........لايوجد تعليق بصراحة .

احكي لي اكتر عن توكل كرمان و الحوثيون .......و جائزة نوبل و اليمن التعيس ..............

رحم الله الشهداء
تحتوي رسالة الارهابين علي "ولاية سينا" ، التهديد بقتل كل ظباط الشرطة ، تلطيف بنداء بطلب بالافراج عن "فتيات " مع اغاني و موسيقي دينية ..............الارهاب ارهاب و يريد تفكيك الدولة المصرية و رسالته القتل كوسيلة تتارية للاخضاع .

اللهم احمي جيشنا واحمي مصر.

ملخص كلام "الاخوان "علي صفحات الفيس بوك هو تأييد داعش و احترامها بأطلاق لقب الدولة الاسلامية عليها .....................اوك خليها تنفعكوا في الدنيا و الاخرة !!!!!!!!!!!!!!!!!!!!

موضوع المؤبد ممكن نفهم ازاي  دومة حيقضيه ........لكن 17 مليون ممكن نفهم ازاي حيدفعهم ، لان فعلا لو دفعهم نبقي احنا واخدين علي قفانا في موضوع الثورة دي؟؟؟؟؟؟؟؟؟؟؟؟؟؟

تسريبات ايه بس ...............اذا كان اللي بنسمعه و نشوفه و ينعكس علينا في حياتنا من عواقبه مش مصدقينه ....تقولي تسريبات ....../ الناس بتصدق اللي عايزة تصدقه لان كل واحد عارف مصالحه و اختياراته ...........يا عم بطل نميمة و خلينا نشتغل احسن .

مخاوف بحر الفوضي تعالج بكسرة عدل و حرب علي الفساد و ادارة اكثر عمقا ..........

عيب تقول لمن قتلتهم داعش في ليبيا من المصريين انهم اقباط ........انهم مصريون و علينا الرد علي دماءهم و حرماتهم ............رحم الله الجميع .....


للاسف هناك نفوس "دواعش" مع وقف التنفيذ و افتقاد الفرصة .
متعاطفين متعاطفين !!!!!!!!!!!!!!!!!................رأيي ان التعاطف مع داعش اجرام .
داعش مين اللي خايفين منها دول عملوا قفص و حرقوا الكساسبة و قعدوا يصوروا فيه لما ضيعوا و قتنا وقتهم ...........في ناس عملوا قفص برضه و ضيعوا فيه 22 واحد من غير تصوير و لا افلام HD و من غير تهم و لا مسئوليات ............بلا داعش بلا كلام فارغ .
كله بيفتي الا في تخصصه الاصلي .....
عندنا مشكلة في الادارة .........اننا ناخد اتجاه معين كل وقت في التكليف بالمسئوليات .........مرة نقول احنا نعتمد علي اصحاب سنين خبرة في الوظيفة و مرة نتبني الشباب الواعدين و مرة نتبني اصحاب الدرجات العلمية و مرة نقول المرأة هي اساس الادارة او العسكريين جادين و ملتزمين او المدنين داهسين الحياة و الشعب ...................الموضوع في الاختيار موضوع كفاءة لكل وظيفة ، منها السن و الخبرة و القدرة و السمات الشخصية و الدرجات العلمية و الترتيب الاداري و التفهم للوظيفة و اقتراحات التطوير و التعرف علي صعابها و القدرة علي تنفيذ اهدافها في اطار رؤية الوزارة التابعة لها ................يعني ممكن نلاقي شاب عنده 30 سنة و بيدير بجودة و بجانبه سيدة ستينية برضه بتدير في موقع اخر بجودة ...............بلاش التفكير التلويني لايجاد حلول لانه لا يؤدي لحلول .

التسلط خصلة ممتعة للمتسلطين .هناك من يتسلط بالقوة و هناك من يتسلط بالعلم او بالدين متعة بالنسبة لهم ان تسكت من امامك ، متعة ان تقسم الناس انواع خائن للوطن او كافر عن الملة او كفتجي في العلم .معظم المتسلطون حالة اسقاط لمواطن ضعفهم و في احتياج نرجسي لمردود ايجابي من الاحرين اما بالنفاق او بالخوف .لا شك ان السلطة غرض و يسعي لها البعض مثل المال ...........و يشقي منها الاخرين و منهم اثناء ذلك .
الفرق بين الدول في التعامل في مسألة الصراع بين الاجيال .............ان في دول ببساطة اقرت ان المشاركة في العلم او الاشتغال في الادارة امر يرتبط بالكفاءة العلمية او الادارية ، امر له علاقة بالمجهود و الاخلاص و القدرة علي تقديم الجديد .............و الامر ليس له علاقة بشباب واعدين و لا اصحاب خبرات طويلة ...........فتجد ببساطة عالم شباب يسمع له عواجيز العلم ، او تجد اداري خبرة و مدقدق قادر علي التطوير و قيادة اجيال من الشباب .........صراع الاجيال في الدول المتخلفة يقمع الشباب و يحول الخبرات لاصنام و يفجر غضب الشباب و قلة ادبهم و الاستهانة بكل قيمة / صراع الاجيال في الدول المتخلفة يحاصر اصحاب الخبرات من العواجيز بدعوي الثورية و التقدمية ............. / صراع الاجيال في الدول المتقدمة قدرة علي تفاعل الاجيال و سباق تتابع ناجح لخدمة الوطن .
الفكر الاسلامي اصابه فيروس احاط بالحضارة الاسلامية و فككها و جهلها من الاندلس الي الخلافة العثمانية ...........الان الفكر الاسلامي اصابه فيروس اخر يأتي علي المسلمين انفسهم بأيديهم و لا يفرقون بينهم و بين اعداؤهم.............الفكر الاسلامي بني حضارة عظيمة لالف سنة تزايد فيها المسلمون و كان للاخرين مكان معهم في دولتهم و اضافوا للعلم و للحياة ............هو ايه الفيروسات دي ؟؟؟؟؟؟؟؟؟؟

مرة واحد بيسأل و يطقص و واقع في حيص و بيص يشتري اي عربية افضل بسعر كويس و يكون لها قطع غيار و تستحمل استهلاكه و ينفع يبيعها بسهولة بعد كده لو حب ..............الراجل المحترم ده نفسه بيقول رأيه في صفقة الطائرات الفرنسية !!!!!!!!!!!!!!!!!

تأثير الدم و الذبح و الخوف :
يروي التاريخ: انه لما دخل التتار بغداد وعاثوا فيها فساداً وقتلاً، إنه بلغ بجند التتار أن يأمر المسلم بأن لا يغادر مكانه حتى يحضر سيفه ليقتله فمن شدة الهلع والخوف والجبن يتسمر ذلك في مكانه في انتظار القتل! ........ و يروي التاريخ ايضا ان نهاية التتار كانت في عين جالوت علي يد الجيش المصري
بيقولك " تكلم حتي اعرفك "............قصدي يعني بعد ما تخلص الدبح و القتل اللي في ايدك ، اتكلم و هلفط اي كلام و تبريرات .......ما انا عبيط لسه حعرفك من الكلام مش من الافعال !!!!!!!!!!!!!
في ناس بتعمل لايك للفيديو 
و في ناس بتتوه الموضوع و تقولك و فين دم بتوع رابعة و دم شيماء و دم شباب الاستاد .
و ناس تقولك الدم كله حرام 
لا تعليق علي الخسة و الوضاعة ..........

خلاصة الجماعات المتطرفة :  الطيور علي اشكالها تقع ..........فتقوي الافكار بالمشاعر دون منطق .....تأثير ضغط الشلة و تماسك الوهم و الافكار الخاطئة بكل صلابة و دون قراءة او تكيف للواقع و الاحداث و حقائقها ......لمزيد من القراءة "ديناميات الطوائف " "Cults dynamics".
علي فكرة صفقة الطيارات الفرنسية فيها فرقاطة و صواريخها ...........عايز تحليل سريع من الاخوة اياهم عن كفاءتها و حتعوم بحري و لا نيلي و لا ايه نظامها ..........انا احب استقي المعلومات في الاسلحة العسكرية من المتخصصين علي الفيس بوك.
واحد جراح قلب و صدر بيقول ان المجلات العسكرية في كل مكان و ان سهل نعرف في الطيارات الفرنسية ............يا اخي اتكسف علي تخصصك ، البلد حتعمل فيك ايه اكثر من انها علمتك و كبرتك و عملت منك جراح تخصص دقيق و انت في الاخر تقولي حتلم العلوم العسكرية و الرأي في الاسلحة من مجلات ؟؟؟؟؟؟؟؟؟؟؟ .......و نصيحة تركز و تقرا في تخصصك .........ارحمونا بقي .
هو ناقص بس واحد يطلع و يقول لنا ..............." داعش ما يعملوش كده ".........اللي يعرف ربنا و متربي مع الاخوان ما يعملش كده .............اهم حاجة انك تكون مقتنع .
اوباما ناقص يقول " الدم كله حرام " حتي دم داعش .........

اعادة تأهيل و ليه لا ........هو الارهابي ده مش انسان و له حقوق انسان .
و يبقي في ارهابي متعافي من الارهاب و يحكي لنا عن قصة كفاحه مع الارهاب 
لازم نقف جنب الارهابي من دول لحد ما يرجع لمجتمعه مهما كلفنا 
ايوة لازم نفكر بطريقة اعمق و نحل حلول جذرية >>>>>>>>

كان نفسي حد يعطف علي و يعاملني بحنية اوباما مع داعش ........ده الواحد كان خربها .........سيكوباث ستايل LOL






ليست هناك تعليقات: