الأربعاء، 1 أكتوبر، 2014

كلمات عن الثورة – 34


-  الصدق اقصر الطرق للقلوب ........صدق الافعال.

- قالك ايه ...........جيش مرتزقة ........هو في جيش مرتزقة المجند فيه بياخد 250 جنيه في الشهر .........انت عبيط يا بني !!!!!!!!!!!!!!

- بالنسبة لقرار داعش عن تغطية اثداء الابقار ...........السؤال بقي بالنسبة لورك الفرخة حيسيبوه كده ........الشباب مش ناقص بوظان !!!!!!!!!!!!!!!

- فقط في المسلسلات العربي ...........اتفرج علي الحلقة الاخيرة لمعرفة الموضوع و القصة .....بلا تعطيل وقت و مجهود .

-  لما كان بيقول " انا او الفوضي " افتكرناه بيهددنا ...........اتاريه بينصحنا !!!!!!!!!!

-  هو السؤال ازاي الناس فاهمة ان الشمال
ما تنفعش تبقي ام العيال
لكن ينفع يبقي ابو العيال ...........؟؟؟؟؟؟؟؟؟؟؟؟

-  الطب في مصر محتاج ضبط و ربط ....سياسات و اجراءات و تجديد ترخيص و تقييم مهارات و احياء لجان حقوق المرضي و اخلاقيات المهنة .

- التعليم و التدريب و الشهادات هي بداية تحسين فرص العمل ، هي بداية لتكوين كوادر للعمل ، رؤي افضل للعمل ,,,,,,,,,,,,و لكن يظل العمل هو المنتج الاخير لرؤية و ابداع و حل مشاكل حقيقية و تحقيق اهداف و اخلاص وجهد و عمل جماعي و ليس فقط شهادة في برواز او مرجعية في سيرة ذاتية .

- المشكلة ليست في السن المشكلة في الاختيار لفاقدي المهارات و فاقدي الخبرات و فاقدي الرؤية ........اي وظيفةو من دول لابد ان نسأل الموظف المتقدم لها تصورك ايه للتحسين و التطوير و هل لديك خطة ام لديك فقط طموح و تطلعات .

- اخر انواع الاهمال المسبب لانهيار خدمات وزارة الصحة ........هو اهمال الحضور و الانصراف للعاملين ......هو موجود و لكن الحقيقة ليس هو اساس المشكلة .........فكر تاني و اعرف السبب و احنا معاك ..........

- اصلاح الصحة عن طريق تقطيب الجبين و الاقالات المفاجأة و الزعيق الجامد ...........موافقين ........اللي حيجي بقي يدير بعد المدير المقال حيعمل ايه ............يستخبي ؟؟؟؟؟؟؟؟

- البيروقراطية = النظام المكتبي او ادارة دولاب العمل ....... في مصر اللوائح اللي بتدير نظام العمل معوقة للعمل و اما تضيع حقوق العاملين او حقوق العمل او تتعارض في ثغراتها ..............

- الظاهر ان زمن السراب و خيبة الامل سينتهي .............و حان ان ننتقل من زمن الهرتلة الي زمن الجدية .

- الاحتيال علي المرضي لا يقتصر الان علي الشكل القديم لشيوخ و دراويش و مشعوذين ، و لكنه امتد لادعاء لبعض الاطباء و الصيادلة في قدراتهم الخاصة و الخارقة لتقديم العلاجات السحرية او اداء مهارات طبية غير معترف بها او معترف بها و لكنلم يتدربوا عليها ................نقطة نظام من نقابةالاطباء و ادارةالتراخيص الطبية .

- يري كثير من الاباء و الامهات ان الحرية اهم قيمة يمكن غرسها في نفوس ابناءهم ، بالطبع الحرية كقيمة هامة لثقة الطفل بنفسه و لقدرته علي الاختيار و الابداع و لصحة تكوينه النفسي بشكل عام / المشكلة هو ان يتم الخلط في التربية بين الحرية و الفوضي و الانانية و عدم احترام حرية الاخر وعدم احترام الوقت ........تعلم الحرية لا يكون الا من خلال اتفاق تربوي مع ابناءنا .

-  الاصلاح و محاربة الفساد ليس موقف " سياسي " انه موقف " وطني " .........نقطة اتفاق هامة .

- الحل معروف في تشجيع الادخار و ايجاد خطط و فرص لاستثمار ..........


- في كل مرحلة عمرية فرحت بقدوم رمضان ، الاختلاف في الاربعينات ان الواحد كبر شوية بقيت اخاف اكتر ان رمضان مالحقوش السنة الجاية و عايز اخد فيه اكبر زاد منه ، بيكون نقطة تغيير و مراجعة للنفس للافضل ، ......ذكريات رمضان مع الاسرة في الطفولة و الشباب لا مثيل لها بتخلي "رمضان " كلمة مريحة و تبعث علي السعادة في حد ذاتها ،.......... جميل ان تنظر حواليك تلاقي اسرة و جيران و اصدقاء العمر و اساتذة علموك تقول لهم كلهم و بكل معاني الحب و الود كل سنة و انتم بخير و ربنا يديم السعادة و الصحة و يتقبل من الجميع الصيام و القيام و رمضان كريم .

- و لا يهمك ، هو لسه في حد بعد الزمن اللي عشناه و اللي شفناه يزعل زمايله او جيرانه او قرايبه .........الامر لا يستحق ان تلتفت له طالما انت مش غلطان ......الغلطان اللي مش عارف يتعامل و لا يعطي للناس الف عذر في هذا الزمن .

رغم كل الفساد السياسي في ايطاليا .......لم تصل الالوية الحمراء الارهابية للحكم .

- انت مصدق ان مصر علمانية و بيمنعوا الصلاة علي النبي ...........!!!!!!!!!!!!!!!!!!!!!


-  اذا استمر الهري الهالك و الكلام في اللاشيء و جنون السياسة .............الاخوان بدل ما حيقولوا " يا واد يا مؤمن " لكل مسلم في غير جماعتهم ، حيرفعوا قضية علي " المسلمين " يدعوا فيها سرقة المسلمين لافكار الاخوان ، لانهم بيصلوا و بيصوموا و يزكوا ..................المشكلة ان هناك من يظن انه وحده هو الاسلام .....

-  قلة الخبرة تدفع البعض لدخول معارك ليس لهم فيها ناقة و لا جمل .

-  ناس مش لاقية تاكل و لا لاقية كهربا و لا غاز .........و عايزين يدخلوا حرب مع اسرائيل .........طب نمحي الامية الاول ، طب شوية شغل او استثمار او استقرار ..........

-  ممكن الوم الداخلية و انتقدها في التقصير ..........لكن عمري ما افرح فيها ............

- هل فلسطين اليوم .............هي اندلس الامس .........

-  ممكن حد يفهمني معني التبرعات ..........و اصلا اللي عنده اموال حاططها في بنوك او دفاتر توفير يعني الفلوس تحت يد الحكومة .، تبرع ايه بقي .............شجعوا الادخار و اعدلوا في الضرائب و نظموا الاستثمار حكومي و خاص ...........بجد حد يفهمني حكاية التبرعات ، سؤال بجد ؟؟؟؟؟

العملة الورقية هي وعد دولة برد قيمة العملة المكتوب عليها
ممكن حكومة الدولة توعد و توفي
و ممكن تقابلها صعوبات و تلاقي العملة انخفضت للنص و مش بتجيب الموعود به
سهل الحكومة تطبع عملات
صعب توفي بالوعد لان داخل في الموضوع خطط تنمية و استنفار شعب للعمل و اجتذاب استثمار
تمسكك بعملة بلدك هو رهان عليها و علي قدرة الحكومة و قدرة الناس معاها انهم يوفوا الوعد
رهانك علي بلدك قمة الوطنية ، الدعوة لفتح باب الادخار من اصغر طالب في ابتدائي ، و تسهيل نظم الاستثمار في مصر للمصريين و غير المصريين بخطط اقتصادية واضحة هو ما ننتظره ممن بيدهم الامر ......


- شوية لغة عربية مع السحور
اسمها 35 "مثل" الحد الادني اي الحد الادني * 35 / 1200 *35 = 42000
و ليست "ضعف او اضعاف" لان "الضعف" هو ضرب الرقم في نفسه و ناتجه في نفسه تكرارا ل 35 مرة / اي ان اول ضعف في ال 35 مرة سيكون 1200 *1200 = 1440000 ..........الموضوع مختلف .........

-  "غلاء الاسعار" بدون خطوات لتوفير العمل و المسكن و الاكل و الشرب خطر كبير ..........."خطوات " تشعر الناس بها و ليس فقط خطط تسمع عنها .......الصبر ينكسر علي صخرة الغلاء و ينمو الصبر عندما يري الناس خطوات نحو الحل و ليس "وعود " فقط .

الوشاية وسيلة غدر ممن هم اقل في المجهود و العلم و العمل .
طرفي الوشاية اذن تسمع دون تدقيق و شك بلا داعي فيمن يبذل مجهود و صاحب رأي .......و طرف يخفي رأيه و لا يعرضه بوضوح علي صاحب القرار خوفا او خجلا
الوشاية قد تؤذي من يوشي به
لكن الاذي الحقيقي هو ما يصيب العمل من فقدان رأي جديد و عمل مخلص و الاحتفاظ "فقط " بنفوس دنيئة و اعمال كسولة و نميمة و انعدام رأي و اقتراحات للعمل !!!!!!!!!!!!!!!!!!!!!

الهرم المصريون بنوه بس مش مصدقين بيقولوا اللي بناه كائنات من الفضاء
الدولة الحديثة في مصر بناها المصريون بس بيقولوا محمد علي الالباني هو اللي بناها !!!!!!!!!!!!!!!!!!!
طب و السد العالي برضه مش مصدقين انهم بنوه
المصريون قادرين علي البناء
مصر يبنيها المصريون


-  بعد زيادات اسعار البنزين .........ليه نحط بنزين في العربية علشان نروح مشوار ، احنا نشم بنزين و نتلطش مشوار برضه .

- اذا كان من الممكن تحويل فيروس الايدز و الكبد الي كفتة ...........اذا منطقيا يمكن التحويل العكسي من الكفتة الي الايدز و الكبد ........و ليه لا ، ايوة زمبؤلك كده .

-  لا بديل عن العمل .........و العمل لا يكون في المكاتب المكيفة و لكن بضربة فاس في الارض او صناعة بسيطة تقليدية او تكنولوجية او خدمات سياحية .........اخر حاجة السمسرة و ما يقال عنه ادارة اعمال و تسقيع اراضي .........العمل العمل العمل .


=هو الواحد لما يبقي شاب و متعلم او عنده مهنة بس مفلس 
بيبقي الحل انه يحاول يشتري شكك او يتجوز شكك او ياخد قرض من البنك او يسرق 
و يعيش حياة مش قدها !!!!!!!!!!!!
و لا الحل انه بيشتغل و يكافح و يحل مشكلته .
الحل في العمل ، الحكومة تنظم فرص العمل و خططه و الناس تشتغل .
ما فيش حاجة اسمها بلد تعبانة حتعيش كويس من غير عمل .
مش حنضرب الارض تطلع دهب و بترول و حتي لو حصل لازم عمل عمل للخروج من الازمة الحالية و الحفاظ علي مستقبل مصر للاجيال القادمة .

- المشكلة ان تظن ان حل المشاكل الكبري في احد اسبابها او في اختيارك لحل فردي ..........الحلول الجذرية يعرفها كل المتخصصون و لكنه يحتاج لارادة و قرارات .

-  المشكلة مش في مبدأ التضحية ........المشكلة ان المبدأ يطبق علي الكل .

- اذا كان من الممكن تحويل فيروس الايدز و الكبد الي كفتة ...........اذا منطقيا يمكن التحويل العكسي من الكفتة الي الايدز و الكبد ........و ليه لا ، ايوة زمبؤلك كده .

- زيادة دخل الطبقة المتوسطة و توسيع رقعتها لازم للنمو الاقتصادي في دولة حجم سكانها يقترب من 90 مليون ...........اي مستثمر لاي منتج سيكسب اكثر و عليه سيتم جذب الاستثمار ، اذا تقلصت الطبقة المتوسطة او انتهت مين حيبيع ايه و لمين ؟؟؟؟؟؟؟؟؟؟؟؟...........

- كل واحد عامل نفسه خبرة في البنوك و بيقبض 100 الف و 600 الف في الشهر
خبرة ايه و الجنيه المصري في السبعينات كان ب 2.5 دولار 
خبرة ايه و الدين الداخلي وصل اكثر من تريليون و300 مليار جنيه
خبرة ايه و خطط الاستثمار بالبنوك واقعة و بتوقع العملة و بتزود الدين ؟؟؟؟؟؟؟؟
كل واحد يقولك اصل انا خبرة و حتفقدني البلد و achiever !!!!!!!!!!
ياعم ارحمونا و اشتغلوا و خدوا مرتبات معقولة.

- بيقولك البنوك و الكهربا و البترول و قناة السويس و المرور بيكسبوا علشان كده المرتبات كبيرة لانهم بيوزعوا المكاسب عليهم .
انما التعليم و الصحة دي خدمات مش بتدخل فلوس و بتخسر .....فبيوزعوا الخساير عليهم LOL

- اللي جذب نظرهم في الخليفة "الداعشي " و علقوا عليه في الغرب ........انه لابس ساعة ب 6 الاف دولار .........و باقي اللبس و الكلام و السياق طبيعي بالنسبة لكم ؟؟؟؟؟؟؟؟!!!!!!!

- مش كان زمان في ضرايب عالية علي ما يسمي "سلع استفزازية "..........فين الكلام ده و لا كله علي " السلع الحيوية " .........الغاوي يبنقط بطاقيته او يمشي زي الناس و يخلي فلوسه في استثمار او ادخار .

- الميه ماتعديش على العطشان و المية ما تجريش في العالي / و ما ينفعش تبيع المية في حارة السقايين / الدنيا مبلولة و لازم حد ينشفها كويس .!!!!!!!!!lol

-  اذا ثبت فعلا اعتراض موظفي البنك الاهلي علي الحد الاقصي للاجور
علطول نستنتج فين طبقة الاقطاع و الاحتكار راحت بعد ثورة 52
- مش عارف موضوع داعش ده بيفكرني باللمبي في فيفا اطاطا .


Top of Form
Bottom of Form


ليست هناك تعليقات: