الخميس، 10 أبريل، 2014

كلمات عن الثورة = 30


المهم يا سيدي رحت الاستفتاء و بعد ما خلصت و حطيت صباعي في الحبر .........لقيت الراجل في اللجنة بيقولي " ايوة بقي حزب الكنبة ، بيشجعني ".........هو انا مفقوس للدرجة دي !!!!!!!!!!!!!!

البعض يوغل في الثقة في الاخر حتي يلقي مصيره علي يديه.

السلطة لها ثلاث شهوة ، و حمي ، و رقصة ........شهوة الحصول عليها ، و حمي التسلط ، و رقصة الموت عند فقدها .


اللهم ابعدنا عن السلطان فلا نطمع فيه فنرهق، و لا يطمع فينا فنهلك.

هل لنا ان نتناول الثورة بطريقة علاجية و ليست سياسية .......السياسة تقول لنا ثورة و تغيير جذري في اتجاهات ربما لا نعرف مداها .............و العلاج يقول لنا صراع اجتماعي و صراع اجيال و تعدي علي العدل الاجتماعي و القضائي ...........امور يمكن علاجها و حلها بالبدائل و توازن المصالح و القوي .


بمبي ..............ارجو ان يكون الدستور بداية لحياة "لونها بمبي " ..........بالعدل و العمل و المساواة و الحرية و البناء .


في الاضرابات في مصر

قد تزيد نسب الحضور و حركة العمل في الاضراب عن اصل التزويغ من العمل !!!!!!!!!


بغض النظر عن ان الشباب شباب القلب ( يعني !!!!!)......المهم ان الشباب في اي تعريف له لا يتعدي ال 30 سنة .........و هو طبعا ملا ينطبق علي امثالنا من الاربعينية ( علي الاقل ) ...........و كمان حزب كنبة ........اكيد الحاجة الوحيدة اللي حنعرف نعملها اننا نعطي صوتنا في انتخاب او استفتاء ........اما موضوع الاعتصام و الحنجوري ، فهو للشباب ......القادر علي الاداء الجيد بهذه الطريقة .......و لازلت ادعي ان صراع الاجيال من اكبر مكونات الثورة .


الافكار هائلة و المشاعر جياشة .............بس كمان ما فيش نجاح الا بالاخلاص للعمل .


بيقولك " الحزب الشيوعي المصري " .........هو المصريون عايشين في التاريخ كده علطول ، مرة الاخوان " و فيلم الخلافة " ، و مرة الشيوعية " و فيلم لينين " .........ما تعيشوا بقا في الواقع ، ارحمونا .......


عبر العصور و تراكم الاهمال .............عندما تكبرنا في التعليم علي "الكتاتيب "تراجعت العملية ابعد منها ............اما بالنسبة لوزارة الصحة "فحلاق الصحة" يكسب .........هو ليه كده بس ؟؟؟؟


رغم كل الزحمة و في المحافظات الكبري ...........لسه ما جتش فكرة للمسئولين عن المحافظات او المرور فيها باستخدام وسائل المواصلات العامة و تشجيع العجل و تنسيق اوقات لاستخدام السيارات الخاصة .........هي الافكار دي صعبة قوي ......ما كل الوزراء و الملوك برة بيركلوا عجلة .........خلاص يعني الرفاهية و لا مستهدفين .........اصلا ما حدش حاسس بيكم و الناس في غلبها .


المواطن الغلبان  فرح ...............لما قالوا له ان الجهات الامنية بتتصنت عليه .........علي الاقل في حد متابعه و حاسس بيه .

العدالة الاجتماعية تحتاج شجاعة و تصدي لقطاع المصالح و فرض العدل و اقناع الجميع باهمية العدل ......................قرارات جريئة لاصلاح الحد الاعلي للاجور بدون استثناءات تساوي القارات الجريئة للاصلاح الزراعي ..........المجتمع يقبل العدل و يقبل من يطبقه .

مرة واحد "مسئول " قال يشوف "الزبالة" كانت بتتشال ازاي قبل ما " حكومة نظيف " تتفق مع شركة النظافة "الفاشلة "...........قام رجع نظام "الزبالين بتوع الكارو " القديم " و نضفت " البلد ...........قام لقاها فكرة بسيطة و ............صحي من النوم علي "الزبالة " زي ما هي !!!!!!!!!!!!!

في مصر لا يوجد رجال الصف التاني من الكوادر ...........في مصر يوجد فقط رجال الصدفة و مصلحة السياق الحالي الضيقة ....................



لو الشرطة هي اللي بتفجر روحها يبقي ايه :

يبقي بتغامر بسمعتها و موقفها .
يبقي بتكسر في ادواتها فيسهل تفكيكها
يبقي بترهب افرادها من ظباط و جنود ، فكل واحد يشتري نفسه
يبقي بتخون افرادها ، و طبعا مافيش حاجة بيستخبي ، فالرتب الاصغر حتثور و تقف امام الخونة .

الكلام عن ان الشرطة بتتضرب روحها و تفجر روحها علشان تصطنع الفرصة للحرب علي الاخوان و عملائهم " سفه ".........لان هي مش محتاجة تعمل كده ، لان الدولة اعلنت


20 ساعة بس ده الواحد ما يلحقش يلم هدومه و يجهز ساندوتشين للعيال ............طب ممكن لحد بعد بكرة !!!!!!!!!!!!! يعني بتاع 35 ساعة و نص كده


الواقع المصري في الصحة و التعليم

اما ان تستطيع تعليم اولادك في مدارس او كليات عالمية او خارج مصر لتحصل علي تعليم جيد لهم .............قارن تعليم حتي السبعينات و اوائل الثمانينات و مستوي اللغة العربية و الانجليزية و مستوي الخريجين و تفاعلهم مع العالم الخارجي من مصر او في الخارج .......قارن عندما كان التفوق عنوان المدارس الحكومية و الكليات الحكومية مقبولة الشهادات في كل العالم بدون معادلات و تساؤل عن جدواها !!!!!!

اما ان تستطيع العلاج في الخارج مباشرة بقدراتك المالية او علي نفقة الدولة ، و الا لن تجد خدمة صحية .........لم يجدها حفيد مبارك و الكثيرين مما لم يسعفهم الوقت او يستطيعوا العلاج في الخارج ..........لاحظ هناك محافظات فقيرة الخدمات حتي القري الساحلية السياحية تفتقر الخدمات ( يعني لا خدمات لفقير او غني .....لازم تكون سوبر غني و ملياردير )!!!!!!!!!!!!!!!!!

اذا لم نستطع ان نجعل الجميع اغنياء ، فاكيد نستطيع ان نحارب الجهل و المرض و نضع سياسات تخرجنا من دائرة واقع التخلف و الرضي بالموت مرضا و تزيد الطبقي الوسطي الدنيا علي الاقل .


دائما بعد الثورات يكون التغيير ليس فقط في القيم و القوانين و درجة الحرية و الديمقراطية و لكن شكل العلاقات و خاصة توزيع قوي المجتمع و تأثير طبقاته او درجاته اذا جاز التعبير ، فالشباب المفطوس المهمش قبل الثورة له قوة لا يستهان بها بعدها و هكذا.......اي ان بعد الثورات كأنه دور للعب بمصطلح الالعاب ........... علي مدي التاريخ الجديد يصبح قديم و الشباب يشيخ و الليبرالي يصبح في معناه سلفي و رجعي ............انتصروا للحق و لا ترتشوا بالمبررات لفساد طاريء ............انها دورات و ينتصر فيها الحق و يعيد توزيع اللعبة........بيبقي منظر الفساد و مبرراته حقيقي وحش .

موضوع الاختلاف السياسي و التعبير عنه بتفخيخ العربيات طريقة "شامي " خالص ، زي اللي بيحصل في فلسطين و لبنان ...........انا خايف نسرح علي "سوريا " و تلاقينا بنقطع رقبة بعض و نصورها و احنا بنكبر ، او العراق و تلاقينا " بنسحل بعض "...............هو في ايه ......ما فيش اختلافات بالشتيمة ، او اعلان " الاستياء او الشجب و المقاطعة " زي زمان .

فايدة كاميرات المراقبة في الحوادث الارهابية ..........مش علشان منعها ، لا ده موضوع تدريبي ..........."الاكاديمية المصرية لتعليم الارهاب AudioVisual "


المهم بقي ايه

ما فيش حد من الاخوان و اللي بيحترموهم و اللي ماشيين معاهم ........ شجب الانفجارات و لا طلع قال دم المصري كله حرام

اللي فالحين فيه ينشروا الفيلم بتاع الانفجار مجتزء و يقول لك اقرا مذكرات خالد محي الدين .....علشان يقولوا ان الداخلية بتفجر نفسها ..!!!!!!!!!!!

طب عزي الناس ، او قول للاسف حصل و احنا ضد ده .......يعني حسس العالم انك مضايق علشان المصرين اللي ماتوا و اتشوهوا .


الاطباء قعدوا يقولوا الشرطة و الجيش زادوا في المرتب و احنا اللي حظنا هباب ...........اديهم واقعين مع الارهاب اهه ..........عينك يا طبيب و انت يا حضرة الظابط ابقي البس خرزة زرقا.

العقيدة ليست فكر فقط و لكنها مشاعر و خبرات متراكمة للمجتمع تؤثر في الفرد قد تصل بالعقيدة رغم لا معقوليتها الي ان تكون مصدقة و يقينية للفرد ....في تطور الانسان الطبيعي قد يقف عند فترة المراهقة و فترة اعادة تقييم في الاربعينات لكل قيمه و عقائده و مدي جدواها ، و في هذه الفترات الحياتية نري تغيير اما لتغيير للافكار و نمط الحياة او مزيد من التمسك و الاقتناع .........الاكيد ان المزاج الانساني شيء وراثي و هو من المؤثرات في ظهور العقيدة و التعبير عنها ، و الاكيد ان الخبرات النفسية ( بين الفرد و نفسه او الاخرين ) السابقة و القدرة علي تغييرها طول الوقت تجعل التعبير عن العقيدة بتطرف او بوعي او باحتواء و تفهم للاخرين مهارات يمكن اكتسابها او التخلص منها .......فالانسان مسئول جزئيا عن مصير عقيدته .

بس احنا كحزب كنبة بالنسبة لاولادنا لازم نوجههم ........و هم حيعملوا نفس الشيء لما يتحولوا لكنبة بالنسبة لاولادهم .


مش مهم انك تكون حزب كنبة و كل واحد يألس عليك شوية ..........المهم انك تكون كنبة مريحة لاسرتك ( المصري ستايل ).


حوار بين الكنباوي مع الثوري ........متفهم جدا حاجتك للتعبير عن رايك و ان لا يضطهدك احد عندما تريد ذلك و لان نصل بالديمقراطية لحدود انجلترا و السويد ............ممكن تتفهم احتياجي للاستقرار علشان اربي العيلين .........الامل في وجود "معادلة " حقيقية عادلة و مستقرة للحرية و للكنبة .


غلطة الكنباوي : التدليل و عدم توفير عمل جاد للثوري .


كلمات تختلف معناها في الثقافة المصرية

الناجح ( السيكوباث ) لديه خطة و برنامج ، اما الفاشل ( الساذج و الطيب ) فلديه تبريرات .........و كأن المهارات الوحيدة التي يمكن اكتسابها هي الفهلوة و تكييس الناس و نجاح اللحظة و السمسرة و التربح من الوظائف !!!Top of Form



في بلادنا - ثقافة مختلفة:

التطلعات و الطموح ...........طمع .
الذكاء ..........هو الذكاء الاجتماعي فقط .
الحب ...........عيب.
الكذب .......تجمل .
الصدق........سذاجة.
ادب الخلق .........عبط و الناس حتاكلك.
الاخطاء البشرية ........لها الف مبرر ان لم تكن جنسية .
الصياعة.........مهارة اجتماعية.
الانتماء للوطن ...........اغاني .
علامات الغني ........الزواج الثاني .
الاستثمار ...........شاليهات و فلل.
النجاح الدراسي ........تجيب اكتر من 90 % في الثانوية.
التعليم .........ثانوي عام و الكليات .
العلم.........دين فقط.
الدين..........دروشة او سياسة.
الفلاح اللي بيزرع و ياكلنا ........شتيمة .
الابداع ...........رقص بلدي .
الادارة ........تستيف اوراق .
اقتراح الحلول للمشاكل ..........فلسفة علي الفاضي .
البحث العلمي و الاختراع .........امور تتعلق بالاجانب .
الاداء في الوظيفة ...........ان تستمر في منصبك او تترقي



نحارب النوايا بكل قوة ............و نبرر السلوكيات الخاطئة بنفس الحماس !!!!!!!!!!!!!

الاصل في الامور الدنيوية هو منع السلوكيات الخاطئة ، و النية علي الله


بدل ما نحارب الفساد المالي و الاخلاقي ...........الفساد خلانا نحارب بعض .



في رايي ان من اهم و اول حقوق الانسان و المواطن ان يعيش في دولة امنه و مستقرة ...........و بعدكده ابني اللي انت عايزه هو مهم برضه بس بعد الامن و الاستقرار .

قال رسول الله صلى الله عليه وسلم : ( من أصبح منكم آمناً في سربه ، معافى في جسده ، عنده قوت يومه ، فكأنما حيزت له الدنيا بأسرها )

فعلا عندنا مشكلة في الموارد البشرية ..........الوزراء غالبهم لم يتكونوا ككوادر لقيادة وزارتهم .......و هم يتدربون في ادارة الوزارة فعليا عند توليها .......و بانتهاء تدريبهم و قدرتهم علي فهم المشاكل و حلولها و المواقف التي يجب ان يتخذوها ..........يتم تبديلهم بمتدربين اخرين ( وزراء جدد )...........!!!!!!!!!!

اي نصاب ينجح معتمدا علي طمع الضحية و يكرر نصبه عليها معتمدا علي نسيان الضحية لما حدث او تبريرها لصالح النصاب .!!!!!!!!!!!!!


للرؤساء بصمات مع شعوبهم ........و البصمة الكوميدية مهمة و نادرة ، فلا تحرموا الشعب منها .


خبرات الناس تتمايز بين الوصف و الفعل ...........فهناك من يفعل و هناك من يوصف الفعل .

الفعل قرار و مهارة و ارادة و تقييم و ادارة امور و تلقائية و خبرة عملية و كاريزما..........و الوصف للفعل تحليل و مراجعة و تدريب و تمرين و اقتراحات لبدائل الحل و علم متراكم.


هناك تعليق واحد:

السعودية يقول...

اخى الله يكتب لكل الدول العربية الخير ويولى علينا الاصلح
يعطيك العافية