السبت، 1 سبتمبر، 2012

كلمات عن الثورة -18


1.      لولا سمات الشخصية المستقرة للمصريين ........... لقامت حرب اهلية ، سلام للشعب المصري الحب للحق و القانون و العدالة و الحرية.
2.      فشل ، نجح ، هو حيكمل مدته لان دي الديمقراطية ، فالافضل يا نبني مع بعض ، يا يكون في معارضة بناءة ، بلاش نخسر اربع سنين من عمر مصر ، خلينا نتقدم للامام.
3.      و لكل انسان هويته و بصمته ، فبالتاكيد الرئيس الاستاذ الجامعي سيعلمنا الصبر و التدقيق و البحث العلمي الحليم ......................عند اختيار حكومة النهضة خلال اول 100 يوم . خليك تقيل
4.      اذكر اخواننا و اخواتنا " من يقولون بالفرح عند وفاة السيد عمر سليمان و انه لا يجوز حضور الجنازة و الصلاة عليه " ، انه انسان و مسلم و خدم مصر بقدر استطاعته ، اصاب و اخطأ ، و هو ليس " ابو جهل او ابو لهب " و انتم لستم ملائكة ولستم موكلون بالحديث عن الله عز وجل او رسولنا صلي الله عليه وسلم ----------------- والبقاء لله و الحساب للمتوفي لله وحده في دار اليقين.
5.      بلاقي هجوم علي اوضاع او تأييد و تبرير لنفس الاوضاع ، ممكن اللي بيهاجم و اللي بيبرر يقدموا حلول ادارية او قانونية او غيرها لحركة الاوضاع و المجتمع للامام . نسيبنا من التأييد او النقد العمياني . ممكن نكون ايجابين لو في حلول مقترحة . انه رصيدنا من الوقت . الايجابية و الموضوعية مطلوبة ، و رمضان كريم
6.      هو فين الوزارة ؟ ........... انت حتصوموا و تفطروا و لا اكل و بحلقة في الوزارة !!!!
7.      هل سيناء فلسطينية ، و لا دي ...................تخاريف صيام .
8.      الاراء تختلف ، في ناس تذاكر و هي لوحدها في هدوء و ناس تذاكر علي الاغاني و ناس تذاكر و هي بتلف و تمشي و ناس تذاكر تحت عمود النور و ناس تذاكر مع شلتها / المهم النتيجة ......صح ......... يبقي لا تعليق حاليا علي اختيارات الوزارة و لا وزارة الانتاج الداجن بالذات .......و المهم النتيجة ، ونتمني التوفيق لمصر و للشعب الغلبان المنتظر اي حل.
9.      ببساطة لو حد مش عارف يعمل شغله او مش قد الوظيفة الموكلة له و تحقيق اهدافها ..............يمشي / ده احنا 80 مليون و عندنا بطالة و كودار منتظرة وظيفة ، من اول استاذ الجامعة الي العاملين في المحليات و الحكومة و نظافة الشارع .................مش حيبقي تمثيل في مسلسلات التلفزيون و تمثيل في الشغل ، كفاية بقي.
10.  اكبر قاتل و سفاح للاهداف و الامال و النوايا ...............الوقت ، لا تجعل الاخرين يسرقون وقتك.
11.  ضمير العالم و حاله ، يتساءلون ، ......................موضوع مذابح بورما خلص ، و لا نكمل نعمل مشغولين!!!!!!!!!!!
12.  بالنسبة لموضوع القمامة / في طريقتين للتعامل / الطريقة الاولي اننا نشغل الشركات المتفقين معاها و نخصم منهم في حالة اهمالهم و تكليف العاملين بالزبالة المصريين ، لان الزبالة دي صناعة مش مجرد ازالة و لها تدوير صناعي و تجاري ، و خصوصا ان المواطنين بيدفعوا تمن ازالة الزبالة جبريا مع الكهربا / الطريقة التانية نقول للناس تشيل الزبالة اللي هم دافعين تمن شيلها ، و نلومهم علي رمي الزبالة و كان الغريب ان للناس مخرجات !!! و ان عيب يكون لهم زبالة / العيب في اننا ما نعرفش ندير الامور و ناخد فلوس بالباطل ...... ازالة القمامة خدمة و عمل و صناعة و تجارة و ندفع مقابلها ، ازالة القمامة ليست مجهود شخصي للمواطن الصالح !!!!!!!!!!!
13.  من الطبيعي ان الناس تنتظم في دفع الزكاة عن دفعها للضرائب ، لان التعامل مع سبحانه و تعالي و حفظه للحقوق شيء ، و التعامل مع حكومات تأخذ الضرائب و لا نري اي خدمات او حقوق شيء اخري .............اتمني بعد الثورة نجد للضرائب اي اثر في حياتنا اليوم...
14.  طب الزبالة حيشترك الناس في ازالتها رغم دفعهم مقابل ازالتها اصلا ، و حنلومهم لانهم وحشين و عندهم زبالة / المصيبة لو المجاري ضربت ، نلاقي الحكومة تقولنا روحوا انزحوها و بطلوا حركات دخول الحمام دي ...
15.  هي الظاهر شركات النظافة دي اقوي من اي شيء وواخده صلاحيات لايمكن حد يكلمها ؟؟؟؟؟؟؟؟؟؟؟؟؟ علشان كده بتفرض اتاوة و الناس تنزل تشتغل تلم الزبالة .............
16.  ادارة الامور بالتبرعات و العمل التطوعي ، هذا ما كان يفعله من اراد العمل في عهد مبارك ( معهد السرطان - القلب - الايتام - صيانة المستشفيات - الزيت و السكر و البطاطين للفقراء و في الزلازل ) --- و لكن بعد الثورة و بعد مبارك ، لابد من اليه لادارة الامور بمنطق الدولة و التزامها تجاه المواطنين ...............الرئاسة ليست عمل تطوعي. ربنا يعين
17.  الاخلاص و الحب للعمل و الوطن مهم جدا و اساسي ، و لكن من المهم ايضا الاستعانة بمن لديهم الخبرة و لديهم حلول حقيقية ، و ليس فقط مظاهر صبيانية للحلول و الادارة. و ربنا يوفق و يهدي علشان مصر
18.  رئيس مجلس ادارة شركة كبيرة اختاره مجلس الاداره للمالكين لاصلاح الشركة من الفساد / عند ممارسة عمله وجد انه طرطور و انه بلا صلاحيات و ان الامر كله من قرارات في يد المدير المالي ، فكان عليه اما الاستقالة او كشف الامر لاعضاء مجلس الادارة اللي انتخبوه ليساعدوه علي الاصلاح او انه يقبل بالوضع و بالمرتب و المصلحة و يعيش ...........ياتري حيختار ايه ؟

ليست هناك تعليقات: