الأحد، 8 يناير، 2012

كلمات عن الثورة – 7


- عند مواجهة الانسان للتوتر او المواقف الضاغطة في حياته يلجأ لاليات دفاعية لتقليل هذا القلق ربما تكون منها اشياء مرضية مثل الكبت و فصل المشاعر عن الموقف او افراغ قلقه في اي شيء بدون تحقيق هدفه او حتي التعامل بعنف مع هدفه ، و لكن راينا في الثورة المصرية في 25 يناير ارقي انواع الاليات النفسية الدفاعية عن القلق في شكل المرح و الايثار و الدفء الذي استخدمه الثوار ،و هذا شيء متوقع لثوار شعب عمره اكثر من 10000 ، يعني ما فيش انضج من كده ثقافة تكون نفسية بشر - هم دول المصريين و ده الفرق بينهم و بين ثورات الاخرين.
- و قد فتحت الثورة المصرية في 25يناير افاق عقول المصرين علي مصدر اساسي للدخل القومي و هو الاجتهاد في الحصول علي ثروة عائلة مبارك المهربة و كذلك باقي المنحرفين من الوزراء و رجال الاعمال ، و كل واحد خد نصيبه و زي ما مبارك كان قاعد علي تلها الشعب كله قعد علي تلها / هو فين الانتاج و افكار الانتاج و لا خلاص حنورث و نعيش .!!!!!!!!!!!!!
- علي الطبيب النفسي اذا تكلم في السياسة ان يكون شارحا للظاهرة التي امامه ، اكثر من تلوين الامور بارائه الشخصية ، و علي الناس ان تفهم ان تفسيرها و اداراتها للسياسة تتطلب و تفوق قدرات الطبيب النفسي فقط ، و لا داعي لان نري الامور من منظور نفسي فقط او ديني فقط لان هناك تاثيرات اخري اقتصادية و اجتماعية و ثقافية .
- اوحش سيناريو في تاريخ مصر كان ان مبارك يكمل لغاية اكتوبر و ابنه جمال بقي يمسكنا تلتميت الف سنة كمان / و الناس طيبة قالت ادبسنا في واحد و مسيره حيموت اصبر علي جار السو .../ لقوه لا بيموت و جايب لنا واحد ابنه كمان / طبعا لما الغم ده انزاح ، مش ممكن ابدا حد يقول و لا يوم من ايام مبارك الا اذا كان مبارك نفسه او جمال ابنه .
- قناع المثالية اللي انت لابسه مخليك متنح ، بصراحة كنت من غيره حتقنعني و تضحك عليه ، انت ليه مصر تعمل كده !!!!!!!!! هو ما فيش ابداع في الشر خالص .
- حلم ان نطهر المجتمع من الفساد لن نصل اليه بتطهيره من الفاسدين ، لان الحقيقة ان ازاي حنعرف الفاسدين في كل مجال و غالبا ان اللي حيحصل هو اننا حنطهر المجالات بمؤامرات الفاسدين و سذاجه المجتمع من العناصر الجيدة و نبقي وقعنا في شر اعمالنا ، الحل في اليات المراقبة الجيدة و تفعيل القانون و تحديد سنوات القيادات بكل موقع و الاختيار حسب الكفاءة و تسهيل الشكاوي و التحقيق فيها ، لكن نظرية التطهير بالديتول ما حيتوبنا منها الا موت الشرفاء و الريحة الكريهة و بث الحقد و الانتقام غير الموجه و بس .
- التحدي الاساسي في المشروع الكبير لاكاديمية زويل للعلوم و التكنولوجيا ، ليست التمويل ، بل طبيعة الكوسة المصرية ؟! ............. ربنا يقدره هو و المخلصين من حوله .
- اكيد الاختلاف مطلوب و لابد من تقبله حتي لو تعاملت مع كائنات غريبة اتية من عصور غابرة . ما احنا لازم نعيش و نتوائم و نتكيف . بس برضه في الاخر حنعزمهم علي الفول و الطعمية و ينكتوا و يسمعوا عبد الوهاب و ام كلثوم و يحيوا العلم و يغنوا و يقولوا بلادي بلادي ، احنا نتعايش و هم يتغيروا و يبقوا مصريين عاديين.
- الشاب في مصر هو من تعدي فترة الصبا في سن الستين بعد الصبغة و عمليات التجميل .
- الاتفاق الاتفاق -- كل يصيغها بدينه و بعلمه و ايدلوجيته / المهم في الاتفاق علي مستقبل الحرية و الديمقراطية و المساواة و العدل و التسامح و الاحتواء للارض و الشعب .
- عندما يسود الظلم و الفساد و تفور الثورات ، يكون اقل حاجة في الاختلاف انك خاين ، و اقل عقوبة هي الاعدام ، الحكمة ة التأني مطلوبة حتي عند الثورة ، لان الموضوع حياة ناس و مستقبل بلد .



للحجز بالعيادة
01224126363
24508919
د/ احمد البحيري
استشاري الطب النفسي
56
شارع رمسيس - متفرع من بطرس غالي - روكسي - مصر الجديدة - القاهرة

ليست هناك تعليقات: